Túrkiia Respýblikasy Joǵarǵy sailaý keńesiniń tóraǵasy Ahmet Iener Astana qalasyndaǵy №149 sailaý ýchaskesine baryp, Qazaqstanda ótip jatqan jańa Konstitýtsiia boiynsha referendým týraly pikir bildirdi, dep habarlaidy Dalanews.kz.
Ahmet Iener eń aldymen Qazaqstan halqyna sálem joldap, Naýryz meiramynyń bastalýymen tuspa-tus kelgen Amal kúnimen quttyqtady.
«Eń aldymen Qazaqstan halqyna sálem joldaimyn. Naýryzdyń bastaýy sanalatyn Amal kúnine orai túrik halqynyń da ystyq sálemin jetkizgim keledi. Búgin Qazaqstanda mańyzdy kún – Konstitýtsiia boiynsha referendým ótýde», – dedi ol.
Ol sondai-aq ózi aralaǵan sailaý ýchaskelerinde azamattardyń belsendiligi joǵary ekenin atap ótti. Onyń sózinshe, daýys berý protsesi jaqsy ótip jatyr, al ýchaske qyzmetkerleri kásibi daiyndyqtan ótken.
«Biz barǵan sailaý ýchaskelerinde halyqtyń qyzyǵýshylyǵy joǵary ekenin baiqadyq. Ýchaske qyzmetkerleriniń bizge degen qarym-qatynasy óte jaqsy boldy. Bul Qazaqstannyń Ortalyq sailaý komissiiasy shamamen 70 myńǵa jýyq ýchaske qyzmetkerin sapaly daiyndaǵanyn kórsetedi. Osy rette OSK tóraǵasy Nurlan Ábdirov pen onyń janyndaǵy qyzmetkerlerge alǵys aitqym keledi», – dedi ol.
Ahmet Iener sailaý ýchaskelerinde baqylaýshylardyń da jumys istep jatqanyn aityp, muny demokratiianyń mańyzdy belgisi dep baǵalady.
«Qazirgi ýaqytta daýys berý ashyq ári tynysh jaǵdaida ótip jatqanyn kórip otyrmyz. Biz alǵan aqparatqa sáikes, osy sátte sailaýshylardyń qatysý deńgeii shamamen 40 paiyzǵa jýyq. Bul kún sońyna qarai kórsetkish 70–75 paiyzdan joǵary bolýy múmkin ekenin bildiredi», – dedi ol.
Túrkiia Joǵarǵy sailaý keńesiniń tóraǵasy sondai-aq Qazaqstan men Túrkiiadaǵy sailaý júielerin salystyryp, eki eldegi tájiribeniń kóp jaǵynan uqsas ekenin atap ótti.
«Ár eldiń sailaý júiesi óz ereksheligine qarai qalyptasady. Degenmen jalpy alǵanda eki eldegi sailaý tájiribesiniń shamamen 70 paiyzy uqsas. Mysaly, munda múmkindigi shekteýli azamattarǵa daýys berý úshin belgili bir ýaqyttan keiin úilerine baryp, daýys berý múmkindigi jasalady. Túrkiiada da osyndai tájiribe bar, bizde jyljymaly sailaý jáshikteri qoldanylady. Sonymen qatar kórý qabileti nashar azamattarǵa arnalǵan arnaiy traferet eki elde de bar», – dedi Ahmet Iener.
Onyń aitýynsha, keibir tehnikalyq aiyrmashylyqtar sailaýshylardy tirkeý júiesinde ǵana kezdesedi. Bul ár memlekettiń óz zańnamasy men jaǵdaiyna bailanysty qalypty qubylys ekenin atap ótti.
Ahmet Iener referendým nátijeleri Qazaqstan halqy men eldegi demokratiialyq úderister úshin paidaly bolady degen senim bildirdi.
