تٷركييا رەسپۋبليكاسى جوعارعى سايلاۋ كەڭەسٸنٸڭ تٶراعاسى احمەت يەنەر استانا قالاسىنداعى №149 سايلاۋ ۋچاسكەسٸنە بارىپ, قازاقستاندا ٶتٸپ جاتقان جاڭا كونستيتۋتسييا بويىنشا رەفەرەندۋم تۋرالى پٸكٸر بٸلدٸردٸ, دەپ حابارلايدى Dalanews.kz.
احمەت يەنەر ەڭ الدىمەن قازاقستان حالقىنا سەلەم جولداپ, ناۋرىز مەيرامىنىڭ باستالۋىمەن تۇسپا-تۇس كەلگەن امال كٷنٸمەن قۇتتىقتادى.
«ەڭ الدىمەن قازاقستان حالقىنا سەلەم جولدايمىن. ناۋرىزدىڭ باستاۋى سانالاتىن امال كٷنٸنە وراي تٷرٸك حالقىنىڭ دا ىستىق سەلەمٸن جەتكٸزگٸم كەلەدٸ. بٷگٸن قازاقستاندا ماڭىزدى كٷن – كونستيتۋتسييا بويىنشا رەفەرەندۋم ٶتۋدە», – دەدٸ ول.
ول سونداي-اق ٶزٸ ارالاعان سايلاۋ ۋچاسكەلەرٸندە ازاماتتاردىڭ بەلسەندٸلٸگٸ جوعارى ەكەنٸن اتاپ ٶتتٸ. ونىڭ سٶزٸنشە, داۋىس بەرۋ پروتسەسٸ جاقسى ٶتٸپ جاتىر, ال ۋچاسكە قىزمەتكەرلەرٸ كەسٸبي دايىندىقتان ٶتكەن.
«بٸز بارعان سايلاۋ ۋچاسكەلەرٸندە حالىقتىڭ قىزىعۋشىلىعى جوعارى ەكەنٸن بايقادىق. ۋچاسكە قىزمەتكەرلەرٸنٸڭ بٸزگە دەگەن قارىم-قاتىناسى ٶتە جاقسى بولدى. بۇل قازاقستاننىڭ ورتالىق سايلاۋ كوميسسيياسى شامامەن 70 مىڭعا جۋىق ۋچاسكە قىزمەتكەرٸن ساپالى دايىنداعانىن كٶرسەتەدٸ. وسى رەتتە وسك تٶراعاسى نۇرلان ەبدٸروۆ پەن ونىڭ جانىنداعى قىزمەتكەرلەرگە العىس ايتقىم كەلەدٸ», – دەدٸ ول.
احمەت يەنەر سايلاۋ ۋچاسكەلەرٸندە باقىلاۋشىلاردىڭ دا جۇمىس ٸستەپ جاتقانىن ايتىپ, مۇنى دەموكراتييانىڭ ماڭىزدى بەلگٸسٸ دەپ باعالادى.
«قازٸرگٸ ۋاقىتتا داۋىس بەرۋ اشىق ەرٸ تىنىش جاعدايدا ٶتٸپ جاتقانىن كٶرٸپ وتىرمىز. بٸز العان اقپاراتقا سەيكەس, وسى سەتتە سايلاۋشىلاردىڭ قاتىسۋ دەڭگەيٸ شامامەن 40 پايىزعا جۋىق. بۇل كٷن سوڭىنا قاراي كٶرسەتكٸش 70–75 پايىزدان جوعارى بولۋى مٷمكٸن ەكەنٸن بٸلدٸرەدٸ», – دەدٸ ول.
تٷركييا جوعارعى سايلاۋ كەڭەسٸنٸڭ تٶراعاسى سونداي-اق قازاقستان مەن تٷركيياداعى سايلاۋ جٷيەلەرٸن سالىستىرىپ, ەكٸ ەلدەگٸ تەجٸريبەنٸڭ كٶپ جاعىنان ۇقساس ەكەنٸن اتاپ ٶتتٸ.
«ەر ەلدٸڭ سايلاۋ جٷيەسٸ ٶز ەرەكشەلٸگٸنە قاراي قالىپتاسادى. دەگەنمەن جالپى العاندا ەكٸ ەلدەگٸ سايلاۋ تەجٸريبەسٸنٸڭ شامامەن 70 پايىزى ۇقساس. مىسالى, مۇندا مٷمكٸندٸگٸ شەكتەۋلٸ ازاماتتارعا داۋىس بەرۋ ٷشٸن بەلگٸلٸ بٸر ۋاقىتتان كەيٸن ٷيلەرٸنە بارىپ, داۋىس بەرۋ مٷمكٸندٸگٸ جاسالادى. تٷركييادا دا وسىنداي تەجٸريبە بار, بٸزدە جىلجىمالى سايلاۋ جەشٸكتەرٸ قولدانىلادى. سونىمەن قاتار كٶرۋ قابٸلەتٸ ناشار ازاماتتارعا ارنالعان ارنايى ترافەرەت ەكٸ ەلدە دە بار», – دەدٸ احمەت يەنەر.
ونىڭ ايتۋىنشا, كەيبٸر تەحنيكالىق ايىرماشىلىقتار سايلاۋشىلاردى تٸركەۋ جٷيەسٸندە عانا كەزدەسەدٸ. بۇل ەر مەملەكەتتٸڭ ٶز زاڭناماسى مەن جاعدايىنا بايلانىستى قالىپتى قۇبىلىس ەكەنٸن اتاپ ٶتتٸ.
احمەت يەنەر رەفەرەندۋم نەتيجەلەرٸ قازاقستان حالقى مەن ەلدەگٸ دەموكراتييالىق ٷدەرٸستەر ٷشٸن پايدالى بولادى دەگەن سەنٸم بٸلدٸردٸ.
