2018 jyly Túrkıa prezıdenti Taıyp Erdoǵannyń tapsyrmasymen «Túrik avtomobılder» (TOGG) kompanıasy qurylǵan bolatyn. Mine, Túrkıa naryǵynda 4 jyl boıy tabysty jumys istegen kompanıa ózderiniń alǵashqy elektromobılderin shyǵarýǵa daıyndyq jumystaryn bastap ketti, – dep habarlaıdy Dalanews.kz.

TOGG kompanıasy 2020 jyldyń 27 jeltoqsanda Erdoǵannyń qatysýymen alǵashqy C-SUV, C-Sedan dep atalatyn elektromobılderin jurtshylyqqa tanystyrǵan bolatyn. Qazirgi tańda Túrkıa kólikqurastyrý salasyna basa kóńil bólip otyr.

Túrkıanyń avtoqurastyrý salasy Býrsa qalasynda ornalasady. 2020 jyly 18 shildede Býrsanyń Gemlık aýdanynda zaýyttyń alǵashqy irgetasy qalanǵan bolatyn. Óz kezeginde TOGG kopnaıasynyń basshylary zaýytta eńbek etetin qyzmetkerlerdiń 30 paıyzy áıel azamattar bolatynyn jarıa etti.

Osy rette túrikter elektromobılge qajetti qosalqy bólshekterdiń tórtten úshin Túrkıanyń kompanıalarynan satyp alyp, qalǵanyn Eýropa men Azıa elderinen tasymaldaýdy kózdep otyr.

Elektromobıl óndirisiniń daıyndyq jumystary aıaqtalǵannan keıin 2023 jyly túrik aǵaıyndar S segmentine jatatyn SUV elektromobılin jurtshylyq nazaryna usynýdyń kózdep otyr.

Aldaǵy ýaqytta  Býrsadaǵy kólik qurastyrý zaýyty elektromobıldiń 5 túrin shyǵaryp, jylyna 175 000 kólik qurastyratyn bolady.