2018 جىلى تۇركيا پرەزيدەنتى تايىپ ەردوعاننىڭ تاپسىرماسىمەن «تۇرىك اۆتوموبيلدەر» (TOGG) كومپانياسى قۇرىلعان بولاتىن. مىنە، تۇركيا نارىعىندا 4 جىل بويى تابىستى جۇمىس ىستەگەن كومپانيا وزدەرىنىڭ العاشقى ەلەكتروموبيلدەرىن شىعارۋعا دايىندىق جۇمىستارىن باستاپ كەتتى، – دەپ حابارلايدى Dalanews.kz.

TOGG كومپانياسى 2020 جىلدىڭ 27 جەلتوقساندا ەردوعاننىڭ قاتىسۋىمەن العاشقى C-SUV، C-Sedan دەپ اتالاتىن ەلەكتروموبيلدەرىن جۇرتشىلىققا تانىستىرعان بولاتىن. قازىرگى تاڭدا تۇركيا كولىكقۇراستىرۋ سالاسىنا باسا كوڭىل ءبولىپ وتىر.

تۇركيانىڭ اۆتوقۇراستىرۋ سالاسى بۋرسا قالاسىندا ورنالاسادى. 2020 جىلى 18 شىلدەدە بۋرسانىڭ گەمليك اۋدانىندا زاۋىتتىڭ العاشقى ىرگەتاسى قالانعان بولاتىن. ءوز كەزەگىندە TOGG كوپناياسىنىڭ باسشىلارى زاۋىتتا ەڭبەك ەتەتىن قىزمەتكەرلەردىڭ 30 پايىزى ايەل ازاماتتار بولاتىنىن جاريا ەتتى.

وسى رەتتە تۇرىكتەر ەلەكتروموبيلگە قاجەتتى قوسالقى بولشەكتەردىڭ تورتتەن ءۇشىن تۇركيانىڭ كومپانيالارىنان ساتىپ الىپ، قالعانىن ەۋروپا مەن ازيا ەلدەرىنەن تاسىمالداۋدى كوزدەپ وتىر.

ەلەكتروموبيل ءوندىرىسىنىڭ دايىندىق جۇمىستارى اياقتالعاننان كەيىن 2023 جىلى تۇرىك اعايىندار س سەگمەنتىنە جاتاتىن SUV ەلەكتروموبيلىن جۇرتشىلىق نازارىنا ۇسىنۋدىڭ كوزدەپ وتىر.

الداعى ۋاقىتتا  بۋرساداعى كولىك قۇراستىرۋ زاۋىتى ەلەكتروموبيلدىڭ 5 ءتۇرىن شىعارىپ، جىلىنا 175 000 كولىك قۇراستىراتىن بولادى.