Memlekettik Anadoly aqparat agenttiginiń habarlaýynsha, 16 sáýirde ótken reformada Túrkiia azamattarynyń basym bóligi Konstitýtsiiaǵa túzetýlerdi qoldady. Ol boiynsha parlamenttik respýblika prezidenttik basqarý júiesine kóshedi.
Sailaýshylardyń 51,35 paiyzy (24 million 326 myń sailaýshy) "iia" dep jaýap berse, 48,65 paiyzy (23 million 187 myń sailaýshy) qarsy shyqqan. Bul - el tarihynda sońǵy 100 jyldaǵy eń iri reforma.
Referendým nátijesi boiynsha prezident Rejep Taiyp Erdoǵannyń quzyreti kúsheiedi. Endi ol vitse-premerlerdi (premer-ministr qyzmeti joiylady), Konstitýtsiialyq sot sýdialaryn jáne Joǵarǵy keńes múshelerin, prokýrlardy ózi taǵaiyndaidy, parlamentti taratyp, elde tótenshe jaǵdai jariialai alady. Buǵan qosa, Erdoǵan bilikte 2029 jylǵa deiin qala alady.
Referendým kezinde oppozitsiialyq partiialar men BAQ sailaý ýchaskelerinde jáne onyń syrtynda kóptegen zań buzýshylyqtar bolǵanyn habarlady. Sailaý kúni úgit-nasihatqa tyiym salynǵanyna qaramastan, iri qalalarda bilik basyndaǵy Ádilet jáne damý partiiasynyń plakattary ilýli turdy.
Oppozitsiialyq Respýblikalyq halyq partiiasy ókilderiniń málimdeýlerinshe, sailaý ýchaskeleriniń 60 paiyzynda zań buzýshylyqtar tirkelgen. Buǵan qosa, oppozitsiia eseptelmeýi tiis 1,5 million daýysty bilik eseptep jibergenin habarlady.
