سايلاۋشىلاردىڭ 51،35 پايىزى (24 ميلليون 326 مىڭ سايلاۋشى) "يا" دەپ جاۋاپ بەرسە، 48،65 پايىزى (23 ميلليون 187 مىڭ سايلاۋشى) قارسى شىققان. بۇل - ەل تاريحىندا سوڭعى 100 جىلداعى ەڭ ءىرى رەفورما.

رەفەرەندۋم ناتيجەسى بويىنشا پرەزيدەنت رەجەپ تايىپ ەردوعاننىڭ قۇزىرەتى كۇشەيەدى. ەندى ول ۆيسە-پرەمەرلەردى (پرەمەر-مينيستر قىزمەتى جويىلادى)، كونستيتۋسيالىق سوت سۋديالارىن جانە جوعارعى كەڭەس مۇشەلەرىن، پروكۋرلاردى ءوزى تاعايىندايدى، پارلامەنتتى تاراتىپ، ەلدە توتەنشە جاعداي جاريالاي الادى. بۇعان قوسا، ەردوعان بيلىكتە 2029 جىلعا دەيىن قالا الادى.

رەفەرەندۋم كەزىندە وپپوزيسيالىق پارتيالار مەن ب ا ق سايلاۋ ۋچاسكەلەرىندە جانە ونىڭ سىرتىندا كوپتەگەن زاڭ بۇزۋشىلىقتار بولعانىن حابارلادى. سايلاۋ كۇنى ۇگىت-ناسيحاتقا تىيىم سالىنعانىنا قاراماستان، ءىرى قالالاردا بيلىك باسىنداعى ادىلەت جانە دامۋ پارتياسىنىڭ پلاكاتتارى ءىلۋلى تۇردى.

وپپوزيسيالىق رەسپۋبليكالىق حالىق پارتياسى وكىلدەرىنىڭ مالىمدەۋلەرىنشە، سايلاۋ ۋچاسكەلەرىنىڭ 60 پايىزىندا زاڭ بۇزۋشىلىقتار تىركەلگەن. بۇعان قوسا، وپپوزيسيا ەسەپتەلمەۋى ءتيىس 1،5 ميلليون داۋىستى بيلىك ەسەپتەپ جىبەرگەنىن حابارلادى.