Almatydaǵy Túrksib aýdanynyń ekonomikasy turaqty ári serpindi damyp keeldi. Bul týraly qala ákimi Erbolat Dosaev aýdan turǵyndarymen kezdesý barysynda aitty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qazir aýdanda kapitalǵa salynǵan investitsiia 9 aidyń ishinde 21%-ǵa, onyń ishinde jeke investitsiia 27%-ǵa ósken. Barlyǵy 150 mlrd teńge investitsiia tartyldy.
– Aýdanda jumys istep turǵan biznes sýbektileriniń sany 7,8%-ǵa ósti. Búgingi kúni aýdanda 29 myńnan astam biznes sýbektisi belsendi jumys isteýde. Olardan túsetin salyqtyq túsim164 mlrd teńgege deiin ulǵaitýǵa, sondai-aq 3,5 myń jańa turaqty jumys ornyn ashýǵa múmkindik berdi, – dedi Erbolat Dosaev.
2024 jyly aýdannyń biýdjeti ótken jylmen salystyrǵanda 4 ese ulǵaiǵan. Máselen, 2023 jyldyń basynda biýdjet 5,4 mlrd teńge bolsa, 2024 jyldyń basynda ol 21,3 mlrd teńgege jetti.
– 2024 jyldyń maýsymynda aýdan biýdjeti taǵy 9%-ǵa ósip, 23,5 mlrd teńgege jetti, bul injenerlik jáne jol infraqurylymyn jańǵyrtýǵa, sondai-aq qoǵamdyq keńistikterdi kóriktendirýge baǵyttalǵan jobalardy júzege asyrýǵa múmkindik berdi, – dep atap ótti qala basshysy. Osy rette aita ketýimiz kerek. Almaty qalasynyń ekonomikasynda jalpy joǵary investitsiialyq belsendilik oryn alýda.
Biylǵy 9 aidyń qorytyndysy boiynsha negizgi kapitalǵa 1 133 mlrd teńge investitsiia tartylyp, ósim 8,1%-ǵa jetti. 2024 jyldyń basynan beri jergilikti biýdjetke túsim 27,2%-ǵa ósti, bul «Almatyny damytý baǵdarlamasy 2025 jylǵa deiin jáne 2030 jylǵa deiingi orta merzimdi perspektivasy» aiasynda basym jobalardy qarjylandyrýdy ulǵaitýǵa múmkindik berdi. 2024 jyldyń basynan bastap Almatynyń biýdjeti 204,5 mlrd teńgege kóbeiip, 1 828,5 mlrd teńgege jetti.
Ákim Túrksib aýdany turǵyndarymen kezdesýinde aýdanynda 1960 jylǵa deiin salynǵan 586 úi qaita renovatsiialaýǵa jatatynyn alǵa tartty.
– Búginde jaily qalalyq orta qurý ákimdik jumysynyń basty baǵyttarynyń biri bolyp tabylady. 2030 jylǵa deiin turǵyn úidi renovatsiialaýdyń jańa baǵdarlamasy ázirlendi, onda keshendi jáne toqsandyq qurylys aiqyndalyp, eski turǵyn úi ieleriniń kepildikteri jáne áleýmettik, injenerlik jáne kólik infraqurylymdaryn damytýdy eskere otyryp, turǵyn úi qoryn jańartatyn bolamyz, – dedi Erbolat Dosaev.
Eski turǵyn úi máselesi Túrksib aýdanyndaǵy eń ózekti máselelerdiń biri desek bolady. Munda 60-shy jyldarǵa deiin salynǵan 586 tozyǵy jetken úilerdi renovatsiialaý jumystary jalǵasýda.
2024 jyldyń shildesinde Kassina kóshesindegi 6 jańa úidiń qurylysy aiaqtalyp, halyq qonystanady. Jyl sońyna deiin Saýranbaev kóshesindegi taǵy 7 jańa úidi aiaqtaý josparlanýda.
Sondai-aq, Altai-2 sh/a jekemenshik qurylys salýshy 54 úidiń ishinen 6 úi satyp aldy. Búgingi tańda eki toǵyz qabatty úidi buzý jáne salý jumystary júrgizilýde.
Esterińizge sala keteiik, Memleket basshysynyń tapsyrmalaryn iske asyrý aiasynda Almatynyń sapaly damýyn jáne tiimdi baqylaýdy qamtamasyz etý úshin jańa qala qurylysy reglamenti, qurylys salý erejeleri jáne Turǵyn úidi renovatsiialaý baǵdarlamasy ázirlengen bolatyn. Jańa baǵdarlamalar jyl sońyna deiin qalalyq Máslihat sessiiasynda bekitiletin bolady.
Sonymen qatar Erbolat Dosaev turǵyndarmen kezdesýde kúzgi-qysqy kezeńde jylýmen úzdiksiz qamtamasyz etý úshin qabyldanǵan sharalar týraly baiandady.
Qala basshysynyń aitýynsha, biylǵy qyrkúiek aiynda Spassk jáne Bekmahanov, Bekmahanov jáne Súiinbai kóshelerinde jalpy uzyndyǵy 2,1 shaqyrym jylý jelileri salynǵan. Sonymen qatar, 30 jyldan astam ýaqyt buryn salynǵan qubyrlar aýystyryldy. Erbolat Dosaevtyń tapsyrmasymen biyl barlyǵy 20 shaqyrym jylý jelileri qaita jóndeýden ótip, qubyrlardyń tozýyn 1,8%-ǵa tómendetýge múmkindik beredi.
Rekonstrýktsiia jylytý maýsymy aralyǵynda qalanyń 6 aýdanynda júrgizilýde. Jumystardy biylǵy jyldyń 25 qazanyna deiin aiaqtaý josparlanǵan.
