Parijde ótip jatqan Olimpiada oiyndarynda qazaqstandyq tatami sheberi, Túrkistan oblysynyń týmasy, búinde Almatyda turatyn Ǵusman Qyrǵyzbaev qola medal úshin beldesýde serbiialyq Strahinia Býnchichti jyǵyp, qola medal jeńip aldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul qazaq dziýdosy tarihyndaǵy triýmf! Parijde alǵash ret Olimpida oiyndarynda bizdiń komanda 1 altyn, 1 qola júldege qol jetkizdi. Keshe Eldos Smetov dziýdodan Olimpiada chempiony atanǵan tuńǵysh qazaqqa ainaldy.
Esterińizge sala ketsek, Qyrǵyzbaev alǵashqy ainalymda ispaniialyq tatami sheberi David Garsiia Tornemen beldesip, qarsylasyn jarys jolynan taidyrsa, ekinshi beldesýinde Olimpiada oiyndarynyń eki dúrkin jeńimpazy Ońtústik Koreia ókili An Baýldan ailasyn asyryp, jartylai finalǵa shyqty. Biraq finalǵa shyǵar tusta braziliialyq qarsylasqa ese jiberdi. Degenmen, sheshýshi synda qola júldege qol sozdy.
Aita keteiik, Ǵusman Qyrǵyzbaev – 2021 jylǵy álem chempionatynyń kúmis júldegeri, 2019 jáne 2022 jyldary ótken Aziia birinshilikteriniń qola medal iegeri.
Keshe, 27 shildede Parij tatamiine qazaqstandyq eki dziýdoshy shyqqan edi. Ábiba Ábýjaqynova (48 kg) qola júldege talasta Shvetsiia ókili Tara Babýlfattan jeńilip, alǵashqy olimpiadasyn 5-orynmen aiaqtady.
Al, Eldos Smetov (60 kg) finalda frantsiialyq dziýdoshy Lýka Mheidzeni jeńip, Olimpiada chempiony atanǵan bolatyn.
Ǵusman Qyrǵyzbaev 1992 jyly Túrkistan oblysynda dúniege kelgen.
