پاريجدە ٶتٸپ جاتقان وليمپيادا ويىندارىندا قازاقستاندىق تاتامي شەبەرٸ, تٷركٸستان وبلىسىنىڭ تۋماسى, بٷٸندە الماتىدا تۇراتىن عۇسمان قىرعىزباەۆ قولا مەدال ٷشٸن بەلدەسۋدە سەربييالىق ستراحينيا بۋنچيچتٸ جىعىپ, قولا مەدال جەڭٸپ الدى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بۇل قازاق دزيۋدوسى تاريحىنداعى تريۋمف! پاريجدە العاش رەت وليمپيدا ويىندارىندا بٸزدٸڭ كوماندا 1 التىن, 1 قولا جٷلدەگە قول جەتكٸزدٸ. كەشە ەلدوس سمەتوۆ دزيۋدودان وليمپيادا چەمپيونى اتانعان تۇڭعىش قازاققا اينالدى.
ەستەرٸڭٸزگە سالا كەتسەك, قىرعىزباەۆ العاشقى اينالىمدا يسپانييالىق تاتامي شەبەرٸ داۆيد گارسييا تورنەمەن بەلدەسٸپ, قارسىلاسىن جارىس جولىنان تايدىرسا, ەكٸنشٸ بەلدەسۋٸندە وليمپيادا ويىندارىنىڭ ەكٸ دٷركٸن جەڭٸمپازى وڭتٷستٸك كورەيا ٶكٸلٸ ان باۋلدان ايلاسىن اسىرىپ, جارتىلاي فينالعا شىقتى. بٸراق فينالعا شىعار تۇستا برازيلييالىق قارسىلاسقا ەسە جٸبەردٸ. دەگەنمەن, شەشۋشٸ سىندا قولا جٷلدەگە قول سوزدى.
ايتا كەتەيٸك, عۇسمان قىرعىزباەۆ – 2021 جىلعى ەلەم چەمپيوناتىنىڭ كٷمٸس جٷلدەگەرٸ, 2019 جەنە 2022 جىلدارى ٶتكەن ازييا بٸرٸنشٸلٸكتەرٸنٸڭ قولا مەدال يەگەرٸ.
كەشە, 27 شٸلدەدە پاريج تاتاميٸنە قازاقستاندىق ەكٸ دزيۋدوشى شىققان ەدٸ. ەبيبا ەبۋجاقىنوۆا (48 كگ) قولا جٷلدەگە تالاستا شۆەتسييا ٶكٸلٸ تارا بابۋلفاتتان جەڭٸلٸپ, العاشقى وليمپياداسىن 5-ورىنمەن اياقتادى.
ال, ەلدوس سمەتوۆ (60 كگ) فينالدا فرانتسييالىق دزيۋدوشى لۋكا محەيدزەنٸ جەڭٸپ, وليمپيادا چەمپيونى اتانعان بولاتىن.
عۇسمان قىرعىزباەۆ 1992 جىلى تٷركٸستان وبلىسىندا دٷنيەگە كەلگەن.
