Budan buryn bul usynysty Túrkistan oblysynyń ákimi Janseiit Túimebaev ta qoldaitynyn aitqan. "Osynaý jobaǵa ǵalymdar tobyn tartyp atalǵan nysanǵa zertteý jumystaryn júrgizýge bastamashy bolýǵa ázirmiz. Tizimge enbei, eskerýsiz qalǵan tarihi oryndarǵa arheologiialyq qazba jumystaryn júrgizý qajet" degen edi óńir basshysy.
Halyqaralyq Túrki akademiiasynyń prezidenti D.Qydyráli bastaǵan ǵalymdar tobymen kezdesti. Akademiia prezidentiniń keńesshisi E.Isaqulov, professor Q.Qonqabaevpen, ǵalym A.Toishanulymen bolǵan basqosýda budan bólek Elbasynyń «Bolashaqqa baǵdar: Rýhani jańǵyrý» maqalasynda aitylǵan mindetterdi iske asyrý jaiy talqylanǵan.
Óńir basshysy óz kezeginde ǵalymdardy oblys aýmaǵyndaǵy mańyzdy tarihi nysandar týraly maǵlumat jinastyryp, arnaiy seriiamen kitap shyǵarýǵa atsalysýǵa shaqyrdy.
«Ózderińiz bilesizder, Túrkistan óńiri tarihqa bai ólke. Áli de zertteýdi qajet etetin dúnieler, zerttelgeninen kóp.Sondyqtan osyǵan mán berýimiz kerek. Oblystaǵy barsha tarihi jáne mádeni jerlerdiń tizimin jasap, olar týraly málimetterdi jinaqtap, kitaptar seriiasyn shyǵarýdy jandandyrý kerek dep oilaimyn. Mine, osy isti qarqynmen atqarýǵa shaqyramyn», – dedi Janseiit Túimebaev.
