Halyq saialaityn, taza aýamen tynystaityn demalys ornynyń ashylýyna qala turǵyndary men qonaqtary kýá boldy. Er túriktiń altyn besigi sanalatyn Túrkistan shahary Túrkistan oblysynyń ortalyǵyna ainalǵanyna bir jyldan asa ýaqyt ótti. Osy ýaqytta qanshama qurylys nysandary boi kóterip, jumys qarqyndy túrde júrip jatyr.
– Kúni búginge deiin, shaharǵa bailanysty qanshama memlekettik deńgeidegi mańyzdy sharalar qaralyp, Prezidentimizdiń tikelei qamqorlyǵymen kóz tartatyn igi ister atqaryldy. Qanshama túrik tildes ult ókilderiniń de bir úidiń adamdaryndai tatý-tátti ǵumyr keship jatqandyǵy barshamyzdy qýantady, – dedi jinalǵan qaýym aldynda sóz alǵan Túrkistan oblysynyń ákimi Ómirzaq Shókeev.
Oblys basshysynyń aitýynsha, aldaǵy ýaqytta Túrkistan qalasynda dál osynda jiyrma shaqty gúlzarlar men sprot alańdary ashylmaqshy.
Ákimdik atalmysh demalys orny ornalasqan kóshe boiynda barlyq talaptarǵa sai saýda oryndaryn ashýǵa niettengen kásipkerlerden suranystar da qabyldaityndaryn da alǵa tartty.
Saltanatty keshke kelgen halyq ártúrli mýzykalyq asaptarda oinaǵan mýzykanttar men akterlerdiń ónerlerine tánti boldy. Arbattyń aýarasyn kórsetetin álemdik, qazaqstandyq avtorlardyń mýzykalyq shyǵarmalary, ishekti kvartet jáne saksofanist, kúishi dombyrashylar, Abaidyń óleńderin, Qoja Ahmet Iasaýidyń hikmetterin oqyp otyrǵan akterler, sýret salyp otyrǵan sýretshi men aq jaýlyqty ájelerge deiin osy saltanatty keshtiń ajaryn kirgizdi.
Jobanyń quny – 99293,0 myń teńge. Jalpy aýmaǵy – 0,15 gektar jerdi alyp jatyr. Arbatty abattandyrý jumystaryn júrgizý úshin jeri tegistelip, beton qabaty quiyldy jáne 2600 sharshymetir granit tas tóselgenin aita ketýimiz kerek. Sonymen qatar 145h10 metr metallokonstrýktsiialyq ferma (aspaly metal qurastyrylym) qoiylyp, túrli-tústi shamdarmen jaraqtandyrylǵan.
