Biyl Túrkistan qalasynyń oblys ortalyǵy atanǵanyna 7 jyl tolyp otyr.
Jeti jyl kóleminde óńirimizde aýqymdy sharalar qolǵa alynyp, Túrkistannyń jylnamasynda jańa jáne jarqyn oqiǵalar jazylyp jatyr. Tabandy eńbektiń nátijesinde Túrkistan qalasynda sý jańa zamanaýi, záýlim ǵimarattar salynyp, kieli mekenniń kelbeti kórkeidi.
Osy ýaqytta Túrkistan Túrki áleminiń rýhani astanasy atanyp, Prezidenttiń bastamasymen kóne qalaǵa erekshe mártebe berildi. Bul mártebeler óńir ekonomikasynyń damýyna tyń serpin berip, qalanyń mańyzdylyǵyn odan saiyn aiǵaqtai tústi. Óńirde týrizm, aýyl sharýashylyǵy, infraqurylym men joldar, ónerkásip jáne áleýmettik salalar qarqyndy damýda.
Ekonomikanyń basty kórsetkishi - jalpy óńirlik ónim kólemi 7 jylda 2,6 ese ósip, 4,5 trln.teńgege jetti. Ónerkásip ónim kólemi 2018 jyldan 2,7 esege artyp, 1 214,0 mlrd. teńgeni qurady. Ósim negizinen metallýrgiia, tamaq ónerkásibi, mashina jasaý, jihaz jasaý, qurylys ónerkásibi jáne munai ónimderin óńdeý salalary ónimderiniń artýy esebinen oryn aldy.
Biryńǵai indýstriialandyrý kartasy aiasynda 2018-2024 jyldary óńirde jalpy quny 56 mlrd.teńgege 37 joba iske asyrylyp, 2 500 jańa jumys orny quryldy.
Ekonomikanyń mańyzdy salasynyń biri aýyl sharýashylyǵynda ónim kólemi 7 jylda 2 ese artyp, alǵash ret 1 trln.teńgeden asty. Jalpy óndirilgen ónim kólemi boiynsha respýblikada kóshbastap turmyz. Agroónerkásip keshenine 7 jylda jalpy 700 mlrd. teńge investitsiia tartyldy.
Oblys ekonomikasyna tartylǵan investitsiia kólemi 7 jylda 4,2 esege artyp, 1 335,0 mlrd.teńgeni qurady. Bul kórsetkish 2018 j. 314,1 mlrd.teńgeni quraǵan bolatyn.
Jalpy, oblysymyz qyrýar jetistikterge qol jetkizdi. Bul jetistikter óńirimiz bylai turǵanda, elimiz úshin úlken mańyzǵa ie.
Memleket basshysy Qasym-Jomart Toqaev Túrkistan oblysyna jasaǵan jumys saparlarynyń birinde Túrkistandy ata jurtymyzdyń altyn qazyǵy dep atap ótip, óz sózinde: «Qasterli shahar kóne zamannan beri ulttyń uiasy, qazaqtyń qara shańyraǵy bolyp keledi. Túrkistan osy mártebeli mindetin qazir de abyroimen atqaryp otyr», - degen bolatyn.
Iia, Túrkistannyń orny qashan da airyqsha. Sondyqtan, kieli Túrkistandy túletý – rýhaniiatymyzdy, tarihymyzdy, rýhymyzdy túletý bolyp tabylady.
Túrkistanda júzdegen handarymyz ben bilerimizdiń, batyrlarymyz ben aqyndarymyzdyń, áýlie-ámbielerimizdiń mazarlary bar. Bir sózben aitqanda Túrkistan teńdesi joq ańyz qala.
Túrkistannyń ósip-órkendeýi dál búgingidei qarqynmen júrse, bolashaqta kóne shahardyń álemdik qaýymdastyqta óziniń nyq ornyn taýyp, kúlli túrki dúniesiniń abyroiyn asyratynyna senimdimin.
Túrkistanymyz jainap, túrlene bersin!
Túrkistan oblystyq máslihatynyń tóraǵasy Nuraly Ábishov
