Respýblıka kúnine oraı oblys ortalyǵynda 100 túp aǵash otyrǵyzyldy. «Taza Qazaqstan» jobasy aıasynda uıymdastyrylǵan sharaǵa Túrkistan oblysynyń ákimi Darhan Satybaldy, zıaly qaýym ókilderi, depýtattar, Túrkistan qalalyq ózbek etno-mádenı birlestigi, memlekettik qyzmetshiler, komýnaldyq sala ókilderi men qala turǵyndary qatysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Olar ortalyq meshit aýlasyna, «Kerýen saraı» mańyndaǵy «Arena» aldy men týrızım ýnıversıtetiniń janyna sándik aǵashtar, bozarsha, qaraǵash, shaǵan, úıeńki, syndy aǵash túrlerin ekti.
Igi bastamaǵa qoldaý bildirgen oblys ákimi Darhan Satybaldy kóppen birge aǵash kóshetterin egip, aǵash otyrǵyzý – ekologıalyq taza bolashaqqa jasalǵan mańyzdy qadam ekenin atap ótti. Árbir turǵyn tazalyqty óz aýlasynan bastap, qala aýmaǵyn jasyl jelekpen kómkerýge úles qosý kerektigin jetkizdi.
– Taıaýda Prezıdentimiz Túrkistan óńirine jasaǵan saparynda Túrkistannyń taza ári kórikti qalaǵa aınalǵanyn atap ótti. Túrkistandy baqpen kómkerilgen shaharǵa aınaldyrý úshin jasyl jelek qoryn ulǵaıtýǵa mindettimiz. Bizdiń ásem qalamyz burynǵydan da sulý ári jasyl jelekke bólenýi úshin qalalyqtardy osy bastamany qoldaýǵa shaqyramyn, – dedi oblys ákimi.
Aıta keteıik, oblys ákiminiń tapsyrmasyna sáıkes, Túrkistan oblysynyń eldi mekenderin kógaldandyrýdyń 2022-2024 jyldarǵa arnalǵan is-shara jospary bekitildi. Jospar aıasynda búgingi kúnge deıin 2 mıllıonǵa jýyq kóshet egildi. Onyń ishinde, Túrkistandy kógaldandyrýda júıeli jumystar atqarylýda.
Bıylǵy jyldyń sońyna deıin oblys boıynsha 500 myńnan asa kóshet egiledi dep kútilýde. Qazirgi tańda osy baǵytta jumys júrip jatyr.
