Túrkistan oblysynyń ákimi Darhan Satybaldynyń tiisti kómekti úilestirý jóninde tapsyrmasyna sáikes
oblystyq partiia filialynyń Atqarýshy hatshysy Beisen Tájibaev el amanatyn shyǵaryp salý sharasyna qatysyp, atalǵan baǵyttaǵy jumystar jaiynda baiandady.
– Qostanaidaǵy tótenshe jaǵdai Memleket basshysy Qasym-Jomart Toqaevtyń tikelei baqylaýynda. Partiia Tóraǵasy Erlan Qoshanov filialdarǵa tapsyrma júktep jedel áreketke kóshti. Oblystyq partiia filialy janynan ashylǵan qabyldaý pýnkti 4 qyrkúiekten bastap gýmanitarlyq kómekter qabyldaýda. Alǵashqy kúnniń ózinde qalalyq máslihat depýtattary, jergilikti jomart azamattar eń qajetti jáne jolǵa jaramdy zattarmen qamtyp úlgerdi.
Birneshe jyl buryn óńirimizde oryn alǵan tótenshe jaǵdaida el birligi men naqty kómekterdi kórdik. Jaqsylyqqa eki ese jaqsylyqpen qaiyrýǵa tyrysatyn halyqpyz. Bir táýliktiń ishinde Maqtaaral aýdany, Arys jáne Túrkistan qalalarynan jalpy 4 júk kólik gýmanitarlyq kómek jinalyp, Qostanaiǵa jolǵa shyqty. Osy isterge atsalysqan azamattarǵa shynaiy alǵysymdy bildiremin. Tótenshe jaǵdai turaqtalǵanǵa deiin gýmanitarlyq kómekterdi uiymdastyrýdy jalǵastyramyz jáne barsha túrkistandyqtardy igi bastamany qoldaýǵa shaqyramyn, – dedi Beisen Dáýletuly.
Óńirdegi «Jastar resýrstyq ortalyqtarynyń» uiymdastyrýymen jeke kásipkerler men qarapaiym azamattardyń, shaǵyn biznes ókilderiniń demeýshiligimen jinalǵan qajetti zattar ishinde 3,4 tonna un, 1500 kelige jýyq makaron ónimderi, 70 qap kartop, 500 kelige jýyq kúrish, 1000 litrden asa piste mai, 900 konservilengen banka jáne ózge de azyq-túlik pen turmysqa qajetti zattar jolǵa shyqty.
Gýmanitarlyq kómekke birqatar mekemeler de ózindik úlesin qosty.
Atap aitqanda, Q.A.Iasaýi atyndaǵy halyqaralyq qazaq-túrik ýniversitetiniń rektory Janar Temirbekova bastaǵan qoldaý toby 400 dana kórpe-tósek jetkizdi. Sondai-aq 500 muǵalim 1 kúndik jalaqylaryn «Biz birgemiz» qoryna aýdardy. Túrkistan oblystyq Qazaqstan halqy Assambleiasy músheleri de kiim-keshek, azyq-túlik taýarlary jáne jeke qoldanysqa qajetti zattarmen tolyqtyrdy.
Atalǵan kómekti Qostanai oblysyna deiin jetkizý «Jastar Rýhy» jastar qanaty aimaqtyq filialynyń belsendilerine júkteldi. Óńirdiń 10 belsendi jasy apatty qalpyna keltirý jumystaryna qatysyp, zardap shekken turǵyndarǵa kómek kórsetedi.
https://dalanews.kz/news/81133-olar-saiasi-keleshegine-alangdauly-mam
