Qonaqtar aldymen Otyrar aýdanyndaǵy Arystan bab kesenesimen tanysyp, Hİİİ ǵasyrdyń erekshe arheologıalyq eskertkishi Otyrar qalashyǵyna taban tiredi. Sodan keıin tarıhı oryndardyń tylsymyna qanyǵyp, kıeli mekenderge qyzyǵýshylyǵy artqan olar Túrkistan qalasyna kelip, IýNESKO tizimine engizilgen Q.A.Iasaýı kesenesine táý etti.
Sodan keıin sheteldik meımandar Q.A.Iasaýı atyndaǵy HQTÝ-dyń oqý bazasymen tanysyp, ýnıversıtettiń májilis zalynda sheteldik jas talapker stýdenttermen kezdesti. Jıynda Túrki álemine ortaq tarıhı, rýhanı qundylyqtar jaıly, medıa qaýymdastyqtardyń elararlyq baılanysyn nyǵaıtý máseleleri jóninde salıqaly suhbattar júrgizilip, qundy pikirler aıtyldy.
Saha (Iakýtıa) Respýblıkasyndaǵy BAQ salasynyń maıtalman mamandary, ardager jýrnalıserinen quralǵan saıahatshy top Túrkistanǵa sapardyń joǵary deńgeıde ótkenin aıtyp, oblys ákimdigine rızashylyqtaryn bildirdi. Óz sózderinde meımandar bul óńirdiń týrızmi men rýhanı-mádenı salasy halyqaralyq deńgeıde damıtytyna senimdi ekenderin jetkizdi.
Túrkistan oblysynyń óńirlik komýnıkasıalar qyzmeti
