قوناقتار الدىمەن وتىرار اۋدانىنداعى ارىستان باب كەسەنەسىمەن تانىسىپ، ءحىىى عاسىردىڭ ەرەكشە ارحەولوگيالىق ەسكەرتكىشى وتىرار قالاشىعىنا تابان تىرەدى. سودان كەيىن تاريحي ورىنداردىڭ تىلسىمىنا قانىعىپ، كيەلى مەكەندەرگە قىزىعۋشىلىعى ارتقان ولار تۇركىستان قالاسىنا كەلىپ، يۋنەسكو تىزىمىنە ەنگىزىلگەن ق.ا.ياساۋي كەسەنەسىنە ءتاۋ ەتتى.
سودان كەيىن شەتەلدىك مەيماندار ق.ا.ياساۋي اتىنداعى حقتۋ-دىڭ وقۋ بازاسىمەن تانىسىپ، ۋنيۆەرسيتەتتىڭ ءماجىلىس زالىندا شەتەلدىك جاس تالاپكەر ستۋدەنتتەرمەن كەزدەستى. جيىندا تۇركى الەمىنە ورتاق تاريحي، رۋحاني قۇندىلىقتار جايلى، مەديا قاۋىمداستىقتاردىڭ ەلارارلىق بايلانىسىن نىعايتۋ ماسەلەلەرى جونىندە ساليقالى سۇحباتتار جۇرگىزىلىپ، قۇندى پىكىرلەر ايتىلدى.
ساحا (ياكۋتيا) رەسپۋبليكاسىنداعى ب ا ق سالاسىنىڭ مايتالمان ماماندارى، ارداگەر جۋرناليستەرىنەن قۇرالعان ساياحاتشى توپ تۇركىستانعا ساپاردىڭ جوعارى دەڭگەيدە وتكەنىن ايتىپ، وبلىس اكىمدىگىنە ريزاشىلىقتارىن ءبىلدىردى. ءوز سوزدەرىندە مەيماندار بۇل ءوڭىردىڭ ءتۋريزمى مەن رۋحاني-مادەني سالاسى حالىقارالىق دەڭگەيدە داميتىتىنا سەنىمدى ەكەندەرىن جەتكىزدى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
