Ondaǵy daıyndyǵymen tanysqan aımaq basshysy, kóshý sharalaryn shıratýdy tapsyrdy.
Oblys ákimi issapary barysynda nysandarda júrgizilip jatqan jóndeý jumystarymen aralap kórip, jedeldetip aıaqtaý kerektigin aıtty.
– Halyqqa sapaly qyzmet kórsetý úshin memlekettik mekemelerge tıisinshe jaǵdaı jasalý kerek. Iaǵnı, qyzmetkerlerdiń otyrǵan jeri yńǵaıly jáne barlyq qajetti degen tehnıkalyq jabdyqtarmen jabdyqtalýy tıis. Bul jumystardy óte tezdetip atqarý kerek, sebebi sanaýly kúnderden keıin osynda jumys isteımiz. Munda kelgen turǵyndarǵa tıisti barlyq jaǵdaı jasalýy kerek, – dedi Janseıit Qanseıituly.
Jalpy Túrkistan qalasyna 1203 shtattyq birligi bar 27 jergilikti atqarýshy organ kóshiriledi. Búginde oblystyq basqarmalardyń basym bóligi kóship baryp, jumysqa kirisip ketken. Keńseni jalǵa alý, páterdi jalǵa alý, jalaqyǵa ústeme, ǵımarat jóndeýge Úkimet rezervinen tıisti qarjy qaralǵan.
Qazirgi tańda 13 aýmaqtyq organnyń ókilderi Túrkistan qalasynda halyqqa qyzmet kórsetýde.
Barlyq memlekettik organdardy kóshirý bekitilgen josparǵa sáıkes júzege asyrylýda. Búginde memlekettik organdardyń tolyqqandy jumys isteýi úshin tıisti komýnıkasıalyq jáne baılanys júıelerimen qamtamasyz etý jumystar júrgizilýde.
Turǵyn úıdi qajet etetin memlekettik qyzmetkerlerge jataqhanadan 700-ge jýyq oryn ázirlengen.
Aıta keteıik, budan bylaı Túrkistan qalasyna kóship barǵan memlekettik qyzmetkerdiń eńbek aqysyna 20 paıyz qosylyp, jumys kezeńi úshin tólenetin jyl saıynǵy eńbek demalysy kúntizbelik 30 kúnge qosymsha ekologıalyq kúntizbelik 7 kún merziminde saýyqtyrý demalysy beriletin bolady. Sonymen qatar, jyl saıyn saýyqtyrýǵa arnalǵan tólemderdiń ústine bir aılyq kórsetkish kóleminde materıaldyq kómek beriledi. Osylaısha memqyzmetker eńbek demalysy kezinde jalpy 3 materıaldyq aılyq aqy alatyn bolady.
Al, ákimshilik mamandarynyń baspanany jaldaý máselesi respýblıkalyq búdjet esebinen sheshimin taýyp, tıisti qoldaýlar kórsetiledi. Sondaı-aq, kelisim shart negizde eńbek etetin barlyq qyzmetkerler de jataqhanalarmen qamtylady.
Túrkistan oblysy ákiminiń baspasóz qyzmeti
