Jiyndy Túrkistan oblysy ákiminiń orynbasary Sáken Qalqamnov júrgizip otyrdy. Kezdesýde «Qazaqstan halqyna» qory basqarma tóraǵasynyń orynbasary Lázzat Shyńǵysbaeva qor tarapynan atqarylyp jatqan jumystarǵa toqtalyp, josparlar týraly da baiandady.
Onyń aitýynsha, «Qazaqstan halqyna» qory 2022 jylǵy qyrkúiek aiynda qor qyzmetiniń nysanaly baǵyttaryn aiqyndaý maqsatynda Ulttyq qaiyrymdylyq konferentsiiasyn ótkizýdi josparlap otyr.
Oǵan memleket jáne qoǵam qairatkerleri, ÚEU, biznes jáne BAQ ókilderiniń qatysady. Konferentsiiada qordyń jańa tujyrymdamasy jáne qordyń qaiyrymdylyq baǵdarlamalary men jobalary saraptalmaq.
Qazir baǵdarlamalyq qujattardy ázirleý jáne jańartý boiynsha jumystar júrgizilýde. Bul jumysqa kommertsiialyq emes sektor ókilderi, máslihat depýtattary, biznes ókilderi, sarapshylar men salalyq mamandar tartylǵan.
– «Qazaqstan halqyna» qoryna 4-5 aida 40 myńnan astam ótinish tústi. Túrkistan oblysynan 700-dei ótinim kelse, onyń 300-i azyq-túlikke qatysty. Bizdiń qordyń óz tujyrymdamasy, maqsaty bar. Biz nesie jappaimyz, bilim, densaýlyq, sport, mádeniet salalary boiynsha kómek kórsetemiz. Búgingi tańda qor 10 baǵyt boiynsha qaiyrymdylyq baǵdarlamalary men jobalaryn júzege asyryp jatyr.
Onyń 8-i meditsinalyq kómek kórsetýge baǵyttalǵan, bir joba aýyl balalarynyń sport salasyndaǵy áleýmettik jaǵdaiyn jaqsartýǵa jáne bir baǵdarlamada halyqtyń áleýmettik osal toptaryndaǵy talapkerler men stýdentter úshin bilim berý granttaryn berýge kómektesýge negizdelgen. Aldaǵy ýaqytta baǵdarlamalardy taǵy da júieleý josparlanyp otyr. Sondyqtan ózderińizben arnaiy júzdesip, usynys, ótinish, pikirlerińizdi tyńdaýǵa arnaiy keldik, – dedi Lázzat Shyńǵysbaeva.
Kezdesýde túrkistandyqtar densaýlyq, bilim, sport salalary boiynsha usynystaryn jetkizdi. Jiyn sońynda «Qazaqstan halqyna» qory men Túrkistan oblysy ákimdigi arasynda memorandýǵa qol qoiyldy.
