Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistandyqtar Prezidenttiń bastamasyn mańyzdy qadam dep baǵalady

Dalanews
Túrkistandyqtar Prezidenttiń bastamasyn mańyzdy qadam dep baǵalady
Búgin el Prezidenti Qasymjomart Toqaev Qazaqstan halqyna Úndeýin jariialady. Úndeýde memleket basshysy Qazaqstan Respýblikasy Prezidenttigine kezekten tys sailaý 2019 jyldyń 9 maýsymynda ótetinin aitty. «Elbasy usynǵan áleýmettik baǵdarlamalardy oidaǵydai sátti ári tiimdi iske asyrýymyz kerek. Qazaqstan – demokratiialyq memleket. Prezident halyqtyń tańdaýymen sailanady.   Men, Memleket basshysy retinde, sailaýdyń taza, ashyq ári ádil ótýine kepildik beremin», – dedi Qasym-Jomart Kemeluly. Túrkistan oblysynyń ziialy qaýymy jáne úkimettik emes uiymdarynyń ókilderi  Prezidenttiń bul bastamasyn el úshin mańyzdy qadam dep baǵalap otyr.

«El Prezidenti Qasym-Jomart Toqaevtyń biyl 9 maýsymda kezekten tys prezident sailaýyn ótkizýge bailanysty jariialaǵan Úndeýine qoldaý bildiremin. Qazaqstandy alda úlken ister kútip tur. Damyǵan 30 eldiń qataryna qosylý úshin aianbai eńbek etý kerek. Osy maqsattardy iske asyrý úshin aldymen memleket basshysyn sailap, aldaǵy bes jylda elimizdiń saiasi-ekonomikalyq baǵytyn kim júrgizetinin aiqyndap alýymyz kerek bolyp tur. Óitkeni Qazaqstanǵa búgingi tańda eń basty keregi saiasi-ekonomikalyq turaqtylyq pen qoǵamdyq kelisim jáne beibitshilik bolyp otyr.

Biliktiń aýysýy konstitýtsiiaǵa sai júzege asyryldy. Endi ata zań boiynsha jańa prezident sailanady. Bul rette tańdaýdy jasaityn – halyq. Sondyqtan mundai aýqymdy da mańyzdy saiasi sharaǵa el turǵyndary nemquraily qaramaýy tiis. Óziniń azamattyq kózqarasyn bildirip, sailaýǵa qatysýy shart dep bilemin.

Prezident Qasym-Jomart Toqaev Úndeýinde Qazaqstandy demokratiialy memleket, sailaýdyń ádil ótetinine kepildik beretinin, kezekten tys sailaý ótkizýge Elbasy da, Premer-ministr de, Parlament te, Konstitýtsiialyq keńes te, saiasi partiia jetekshileri de qarsy emesterin atap ótti. Sondai-aq Prezident elmen kezdeskende qarapaiym halyq, ziialy qaýym, biznes ókilderi jáne investorlar durys jolmen kele jatqanymyzdy aitqandaryn jetkizdi. Sondyqtan elimizdiń árbir sanaly azamatyn aldaǵy sailaýǵa jaýapkershilikpen qaraýǵa shaqyramyn. Óitkeni el bolashaǵy siz ben  bizdiń tańdaýymyzǵa bailanysty», – deidi oblystyq «Azamattyq alians» tóraǵasy, oblystyq máslihat depýtaty Sháripbek Jamalbekov.

Al, Qazaqstannyń eńbek sińirgen qairatkeri,  jazýshy Marhabat Baiǵut sailaýdan el úlken úmit kútetinin aitady.

– Biyl elimizdiń saiasi ómiri ózgeristerge jyl boldy. Onyń ishinde Elbasynyń ókilettigin toqtatý týraly sheshimin  kópshilik ádil dep baǵalady. Nege deseńiz, ishki saiasi turaqtylyqty saqtap, baǵytymyzdy aiqyndaýda bul ózgeristiń orny erek. Minekei, Prezident sailaýyn kezekti ret ótkizý málimdemesi de jariialandy. Biz bolashaǵymyzdy aiqyndarda ótkenimizge qaraýdy  umytpaǵan  elmiz. Táýelsizdik  bizge qandai jeńisimen  keldi? Álem aldyndaǵy asqaq bedelimiz ben  eńseli ekonomikamyzdy aitpaǵannyń ózinde qazaq rýhaniiaty úshin  eleýli oqiǵalarǵa toly boldy. Onyń ishinde, kúlli adamzat, búkil dúnie júziniń órkenietti qaýymy, barsha el  nazar aýdararlyqtai álemdik deńgeidegi,  parasattyń shyrqaý biigindegi paiymdar ortaǵa salyndy.  Naqty ǵylymi derekterge súienip, jahandyq tarihtaǵy Uly Dala eliniń, qazaq ultynyń, Qazaqstan respýblikasynyń orny men róli jan-jaqty aiqyndaldy. Búkil baitaǵymyzdyń rýhani jańǵyrý barysynda aldaǵy ýaqytta nelerdi jáne qalai júzege asyrý kerektiginiń taǵlymdy tujyrymdamasy jasaldy.  Túrkistan qalasyn oblys ortalyǵyna ainaldyrý arqyly kúlli túrki jurtynyń týyn tórimizge tikti. Onyń bolashaǵy, Ál-Farabi men Ahmet Iasaýi babalarymyz, batyrlar  jyry, qyzǵaldaq pen  sivers almasyna deiin  airyqsha mán berilýi qalamgerlerge qanat bitiredi.

Osyndai jarqyn  kezeńderdi bastan  keshirip otyrǵan elimiz  aldaǵy sailaýdan  mol úmit, kelisti keleshek kútedi. Ol úshin  aýyzbirlik qaǵidasy aýadai qajet. Kemeńger elimiz  óz Prezidentin sailaýda bul joly da qatelespeidi dep  oilaimyz, – deidi jazýshy.

 

Túrkistan oblysy ákiminiń baspasóz qyzmeti
sailaý Prezident marhabat baiǵut úndeý túrkistan oblysy Qasym-Jomart Kemeluly kezekten tys sailaý 9 maýsym Madina Sádýaqasova

Oqi otyryńyz