Túrkistandyq ustaz: «Joldaý – ustaz mártebesin kóteredi»
Bul qujat muǵalimder úshin júktemeni azaitýǵa, jónsiz tekserister men mindetten tys fýnktsiialardan arashalaitynyn jetkizdi. Sondai-aq, Prezident joǵary bilim berý isinde oqý oryndarynyń maman daiyndaý sapasyna qatysty talaptar kúsheitiletinin tilge tiek etti.
«Joǵary oqý ornynyń tabystylyǵyn baǵalaýdyń basty kriteriii – oqý bitirgen stýdentterdiń jumyspen qamtylýy, jalaqysy joǵary jumysqa ornalasýy. Naryqta joǵary sapaly bilim berýdi qamtamasyz etetinderi ǵana qalýǵa tiis. Qazirgi bilim infraqurylymynyń bazasynda Nazarbaev Ýniversitetiniń úlgisimen óńirlik jańa joǵary oqý ornyn qurý qajet dep sanaimyn», - dedi Nursultan Ábishuly.
Atalǵan Joldaýǵa bailanysty Túrkistan oblysy ákimdiginde ótken brifingte belgili ǵalym, tarih ǵylymdarynyń doktory Haziretáli Tursyn bul bilim júiesine, ustazdar qaýyma arnalǵan úlken qoldaý ekendigin aitty.
– Muǵalim mártebesin arttyrý – adam kapitalyn qurmetteýge baǵyttalǵan qutty qadam. Ustazdarǵa memlekettik turǵydan qoldaý kórsetilýi – kóńil qýantady. Bul turǵyda muǵalimder de ozyq tehnologiiany meńgerip, bilimin jetildirip, tájiribesin arttyryp otyrýy qajet, – dedi Qudaibergen Tursyn.
Sonymen qatar, Prezident Joldaýda bilim berý mekemelerine qatysty naryqta joǵary sapaly bilim berýdi qamtamasyz etetinderi ǵana qalýǵa tiis ekendigine toqtalyp, qazirgi bilim infraqurylymynyń bazasynda Nazarbaev Ýniversitetiniń úlgisimen óńirlik jańa joǵary oqý ornyn qurý qajettigin tapsyrdy.
Túrkistan oblysy ákiminiń baspasóz qyzmeti
