بۇل قۇجات مۇعالىمدەر ءۇشىن جۇكتەمەنى ازايتۋعا، ءجونسىز تەكسەرىستەر مەن مىندەتتەن تىس فۋنكسيالاردان اراشالايتىنىن جەتكىزدى. سونداي-اق، پرەزيدەنت جوعارى ءبىلىم بەرۋ ىسىندە وقۋ ورىندارىنىڭ مامان دايىنداۋ ساپاسىنا قاتىستى تالاپتار كۇشەيتىلەتىنىن تىلگە تيەك ەتتى.
«جوعارى وقۋ ورنىنىڭ تابىستىلىعىن باعالاۋدىڭ باستى كريتەرييى – وقۋ بىتىرگەن ستۋدەنتتەردىڭ جۇمىسپەن قامتىلۋى، جالاقىسى جوعارى جۇمىسقا ورنالاسۋى. نارىقتا جوعارى ساپالى ءبىلىم بەرۋدى قامتاماسىز ەتەتىندەرى عانا قالۋعا ءتيىس. قازىرگى ءبىلىم ينفراقۇرىلىمىنىڭ بازاسىندا نازاربايەۆ ۋنيۆەرسيتەتىنىڭ ۇلگىسىمەن وڭىرلىك جاڭا جوعارى وقۋ ورنىن قۇرۋ قاجەت دەپ سانايمىن»، - دەدى نۇرسۇلتان ءابىش ۇلى.
اتالعان جولداۋعا بايلانىستى تۇركىستان وبلىسى اكىمدىگىندە وتكەن بريفينگتە بەلگىلى عالىم، تاريح عىلىمدارىنىڭ دوكتورى حازىرەتالى تۇرسىن بۇل ءبىلىم جۇيەسىنە، ۇستازدار قاۋىما ارنالعان ۇلكەن قولداۋ ەكەندىگىن ايتتى.
– ءمۇعالىم مارتەبەسىن ارتتىرۋ – ادام كاپيتالىن قۇرمەتتەۋگە باعىتتالعان قۇتتى قادام. ۇستازدارعا مەملەكەتتىك تۇرعىدان قولداۋ كورسەتىلۋى – كوڭىل قۋانتادى. بۇل تۇرعىدا مۇعالىمدەر دە وزىق تەحنولوگيانى مەڭگەرىپ، ءبىلىمىن جەتىلدىرىپ، تاجىريبەسىن ارتتىرىپ وتىرۋى قاجەت، – دەدى قۇدايبەرگەن تۇرسىن.
سونىمەن قاتار، پرەزيدەنت جولداۋدا ءبىلىم بەرۋ مەكەمەلەرىنە قاتىستى نارىقتا جوعارى ساپالى ءبىلىم بەرۋدى قامتاماسىز ەتەتىندەرى عانا قالۋعا ءتيىس ەكەندىگىنە توقتالىپ، قازىرگى ءبىلىم ينفراقۇرىلىمىنىڭ بازاسىندا نازاربايەۆ ۋنيۆەرسيتەتىنىڭ ۇلگىسىمەن وڭىرلىك جاڭا جوعارى وقۋ ورنىن قۇرۋ قاجەتتىگىن تاپسىردى.
تۇركىستان وبلىسى اكىمىنىڭ باسپا ءسوز قىزمەتى
