Jańa oqý jylynda oblystyq bilim basqarmasynyń «Bilim berýdi damytý ortalyǵy» KMM 2024-2025 jyldarǵa arnalǵan «Barshaǵa qoljetimdi sapaly bilim» ulttyq baiandamasy aiasynda Túrkistan oblysynda iske asyrylatyn Jol kartasyna sáikes «Daryn teacher» JShS-men birlese otyryp halyqaralyq oqytý kýrsyn uiymdastyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kýrs úsh kezeń boiynsha uiymdastyryldy. Birinshi kezeń onlain formatta ótti. Nátijesinde úzdik dep tanylǵandar Almaty qalasynda irikteldi. Sońynda eki kezeńnen ótken pedagogtar Malaiziia jáne Singapýrǵa attandy.
Halyqaralyq oqytý kýrsynyń úshinshi kezeńi 2024 jyldyń 24 qarashasy men 30 qarashasy aralyǵynda «Muǵalimderdiń bolashaqtaǵy jáne zamanaýi bilim berý sapasyn arttyrý» taqyrybynda ótýde.
Kýrstyń alǵashqy kúni pedagogter Malaiziia astanasy Kýala-Lýmpýr qalasynda ornalasqan «Musium Negara Kuala Lumpur» tarihi murajaiyna baryp, el tarihymen, mádenietimen tanysty. Murajaida ejelgi tas dáýiriniń buiymdary, malai halqynyń ulttyq kiimderi men turmystyq zattar, monarh taǵy jáne taǵy basqa qundy jádigerler qoiylǵan.
Kúnniń ekinshi jartysynda pedagogter Kýala-Lýmpýr qalasynyń kórikti oryndaryna saiahat jasady. 88 qabattan turatyn, biiktigi 451 metr álemge áigili «Petronas» qos munarasyna baryp, sáýlet óneriniń jetistikterimen tanysty.
Munarada ornalasqan okenariým pedagogtar úshin erekshe áser qaldyrdy. Sonymen qatar «Taman botani perdana» botanikalyq baǵyna baryp, san túrli ósimdikter áleminiń ǵajaiyptaryna kýá boldy.
