جاڭا وقۋ جىلىندا وبلىستىق بٸلٸم باسقارماسىنىڭ «بٸلٸم بەرۋدٸ دامىتۋ ورتالىعى» كمم 2024-2025 جىلدارعا ارنالعان «بارشاعا قولجەتٸمدٸ ساپالى بٸلٸم» ۇلتتىق بايانداماسى اياسىندا تٷركٸستان وبلىسىندا ٸسكە اسىرىلاتىن جول كارتاسىنا سەيكەس «Daryn teacher» جشس-مەن بٸرلەسە وتىرىپ حالىقارالىق وقىتۋ كۋرسىن ۇيىمداستىردى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
كۋرس ٷش كەزەڭ بويىنشا ۇيىمداستىرىلدى. بٸرٸنشٸ كەزەڭ ونلاين فورماتتا ٶتتٸ. نەتيجەسٸندە ٷزدٸك دەپ تانىلعاندار الماتى قالاسىندا ٸرٸكتەلدٸ. سوڭىندا ەكٸ كەزەڭنەن ٶتكەن پەداگوگتار مالايزييا جەنە سينگاپۋرعا اتتاندى.
حالىقارالىق وقىتۋ كۋرسىنىڭ ٷشٸنشٸ كەزەڭٸ 2024 جىلدىڭ 24 قاراشاسى مەن 30 قاراشاسى ارالىعىندا «مۇعالٸمدەردٸڭ بولاشاقتاعى جەنە زاماناۋي بٸلٸم بەرۋ ساپاسىن ارتتىرۋ» تاقىرىبىندا ٶتۋدە.
كۋرستىڭ العاشقى كٷنٸ پەداگوگتەر مالايزييا استاناسى كۋالا-لۋمپۋر قالاسىندا ورنالاسقان «Musium Negara Kuala Lumpur» تاريحي مۇراجايىنا بارىپ, ەل تاريحىمەن, مەدەنيەتٸمەن تانىستى. مۇراجايدا ەجەلگٸ تاس دەۋٸرٸنٸڭ بۇيىمدارى, مالاي حالقىنىڭ ۇلتتىق كيٸمدەرٸ مەن تۇرمىستىق زاتتار, مونارح تاعى جەنە تاعى باسقا قۇندى جەدٸگەرلەر قويىلعان.
كٷننٸڭ ەكٸنشٸ جارتىسىندا پەداگوگتەر كۋالا-لۋمپۋر قالاسىنىڭ كٶرٸكتٸ ورىندارىنا ساياحات جاسادى. 88 قاباتتان تۇراتىن, بيٸكتٸگٸ 451 مەتر ەلەمگە ەيگٸلٸ «پەتروناس» قوس مۇناراسىنا بارىپ, سەۋلەت ٶنەرٸنٸڭ جەتٸستٸكتەرٸمەن تانىستى.
مۇنارادا ورنالاسقان وكەناريۋم پەداگوگتار ٷشٸن ەرەكشە ەسەر قالدىردى. سونىمەن قاتار «Taman botani perdana» بوتانيكالىق باعىنا بارىپ, سان تٷرلٸ ٶسٸمدٸكتەر ەلەمٸنٸڭ عاجايىپتارىنا كۋە بولدى.
