Basqosýda Túrkistan oblysyndaǵy myńǵa jýyq mektep direktorlarynyń tárbie isi jónindegi orynbasary tájiribe almasty. Ulttyq qundylyqtar negizindegi tárbie taqyryby aiasynda 3 baǵyttaǵy sektsiia májilisi uiymdastyrylǵan.
Bas qosýda rýhani tárbie men ulttyq qundylyqtyń qainar kózderi jaiynda sóz qozǵaldy. Ár óńirden kelgen qonaqtarǵa 30 túrli baiandama oqylyp, bala tárbiesindegi ózekti máseleler talqyǵa tústi.
Nátijesinde mamandar oilaryn ashyq ortaǵa salyp, biliktilik arttyrdy. Aitylǵan erekshe usynystar 25 tamyz kúni ótetin plenarlyq májilis qararyna joldandy.
Sektsiialyq májilisten keiin Túrkistan oblysy bilim salasy qyzmetkerleriniń oblystyq tamyz keńesi ótti. Májilisti Túrkistan oblys ákiminiń orynbasary Beisenbai Tájibaev ashyp, júrgizip otyrdy.
Búgingi otyrysqa QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń Preventsiia basqarmasynyń basshysy Erjan Júnisov, Túrkistan oblysy boiynsha ekonomikalyq tergep-tekserý departamenti jedel ýákil aǵa-leitenanty Gúlziia Qarsybai, QR Oqý-aǵartý ministrligi, Tárbie jumysy jáne qosymsha bilim berý departamentiniń direktory Merýert Medetbekova, Túrkistan oblystyq Politsiia departamenti bastyǵynyń birinshi orynbasary, politsiia polkovnigi Baǵlanbek Aitpaev, Túrkistan oblysynyń Bala quqyǵy jónindegi ýákili Gúljan Verotskaia qatysyp baiandama oqyp, bilimge qatysty óz salalary boiynsha pikir bildirdi.
Májilis sońynda Oqý-aǵartý ministrliginiń ókili Merýert Medetbekova ardager ustazdardy Tamyz konferentsiiasymen quttyqtap, maqtaý qaǵazdarymen marapattady.
