2024 jyldyń 8-13 maýsym aralyǵynda Qytai Halyq Respýblikasynda jamby atýdan ótken (at ústinde sadaq atý) álem chempionaty aiaqtaldy. Bul chempionatqa álemniń 11 elinen, atap aitar bolsaq Aýstraliia, Malaiziia, Túrkiia, Qytai, Indoneziia, Qatar, Qazaqstan, Mońǵoliia, Taipei, Makao, Pákistan memleketterinen 60-qa jýyq sportshy qatysty. Qazaqstannyń namysyn ulttyq quramasynyń 4 múshesi, sonyń ishinde Túrkistan oblysynyń sportshylary – Aitbek Sarybai men Batyr Beksaýyt qorǵady, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
4 kúnge sozylǵan dúbirli doda “Majar”, “Aziia”, “Imperator”, “Saran” stilderi boiynsha ótti. Jarystyń alǵashqy kúni sportshylar “Majar” stili boiynsha synǵa tústi. Bul stilde Batyr Beksaýyt úzdik úshtikke ilinip, qola júlde buiyrdy. “Imperator” stili boiynsha ulttyq qurama múshesi Aitbek Sarybai salqynqandylyqpen jarys alańyna shyǵyp, kúmis júlde ielendi.
