Issapardyń negizgi maqsaty – oblysqa investitsiia tartý, eki jaqty saýda-ekonomikalyq yntymaqtastyqty arttyrý jáne jergilikti kásipkerlermen tájiribe almasý.
Issapar aiasynda Chjenchjoý jáne Iu qalalaryndaǵy jańa óndiristik tehnologiialarmen, shaǵyn jáne orta bizneske arnalǵan jabdyqtarmen tanysý kózdelgen bolatyn.
Alǵashqy kúnderi 3-5 jeltoqsan aralyǵynda Qytai Halyq Respýblikasy Henan provintsiiasy Chjenchjoý qalasynyń ákimshiligi jáne biznes ókilderimen arnaiy kásiporyndarynda iskerlik kezdesý ótti.
Oblys delegatsiiasyna Chjenchjoý qalasynyń abbatandyrýǵa arnalǵan «Shuangqiao Flower» kompaniiasynyń ósimdikterdi, gúlderdi jáne dekorativti aǵashtardy ósirý jáne satý tuqymbaǵy tanystyryldy. Atalǵan tuqymbaqqa 3000-nan astam gúldiń tuqymdary men túrleri jáne 1000-nan astam dekortativti aǵash túrleri ázirlenip, importqa shyǵarylady.
Budan bólek, Chjenchjoý qalasynyń «Chuitian Technology» kompaniiasynyń Smart City jobasymen tanystyrý ótkizildi. Atalǵan kompaniia qala qaýipsizdigine arnalǵan jáne qaýipsizdik sharalaryn qamtamasyz etetin jabdyqtardy óndirýmen ainalysady. Onyń ishinde, kóshelerge arnalǵan shamdar, baǵdarsham baǵanalary, baqylaý kameralary jáne arnaiy qaýipsizdik júielerin jasaqtaidy.
Issapar barysynda Chjenchjoý qalasyndaǵy balyq ósirýmen ainalysatyn sharýashylyq Saýran aýdanyndaǵy kásipkermen birlesken jobany iske asyrý boiynsha ózara ýaǵdalystyqqa qol jetkizdi. Sondai-aq qurama jem óndirý, otqa tózimdi qysh shyǵarý, qurylysqa qajetti gidroizoliatsiia jáne kafel jelimderin jáne jihaz óndirý zaýyttarynyń tanystyrylymy ótkizildi.
