ءىسساپاردىڭ نەگىزگى ماقساتى – وبلىسقا ينۆەستيسيا تارتۋ، ەكى جاقتى ساۋدا-ەكونوميكالىق ىنتىماقتاستىقتى ارتتىرۋ جانە جەرگىلىكتى كاسىپكەرلەرمەن تاجىريبە الماسۋ.
ءىسساپار اياسىندا چجەنچجوۋ جانە يۋ قالالارىنداعى جاڭا وندىرىستىك تەحنولوگيالارمەن، شاعىن جانە ورتا بيزنەسكە ارنالعان جابدىقتارمەن تانىسۋ كوزدەلگەن بولاتىن.
العاشقى كۇندەرى 3-5 جەلتوقسان ارالىعىندا جۇڭگو حالىق رەسپۋبليكاسى حەنان پروۆينسياسى چجەنچجوۋ قالاسىنىڭ اكىمشىلىگى جانە بيزنەس وكىلدەرىمەن ارنايى كاسىپورىندارىندا ىسكەرلىك كەزدەسۋ ءوتتى.
وبلىس دەلەگاسياسىنا چجەنچجوۋ قالاسىنىڭ ابباتاندىرۋعا ارنالعان «Shuangqiao Flower» كومپانياسىنىڭ وسىمدىكتەردى، گۇلدەردى جانە دەكوراتيۆتى اعاشتاردى ءوسىرۋ جانە ساتۋ تۇقىمباعى تانىستىرىلدى. اتالعان تۇقىمباققا 3000-نان استام گۇلدىڭ تۇقىمدارى مەن تۇرلەرى جانە 1000-نان استام دەكورتاتيۆتى اعاش تۇرلەرى ازىرلەنىپ، يمپورتقا شىعارىلادى.
بۇدان بولەك، چجەنچجوۋ قالاسىنىڭ «Chuitian Technology» كومپانياسىنىڭ Smart City جوباسىمەن تانىستىرۋ وتكىزىلدى. اتالعان كومپانيا قالا قاۋىپسىزدىگىنە ارنالعان جانە قاۋىپسىزدىك شارالارىن قامتاماسىز ەتەتىن جابدىقتاردى وندىرۋمەن اينالىسادى. ونىڭ ىشىندە، كوشەلەرگە ارنالعان شامدار، باعدارشام باعانالارى، باقىلاۋ كامەرالارى جانە ارنايى قاۋىپسىزدىك جۇيەلەرىن جاساقتايدى.
سونداي-اق Smart City جوباسى ورتالىقتاندىرىلعان اقپاراتتىق جۇيەمەن جابدىقتالعان. وسى جۇيە ارقىلى قالا اۋماعىنداعى ءورت قاۋىپسىزدىگى، توتەنشە جاعدايلار، وزەندەردىڭ تاسۋى، كوشە قيىلىسىنداعى كەپتەلىستەر، مەكتەپتەردىڭ اۋلاسىنداعى قاۋىپسىزدىك جانە تاعى باسقا اقپاراتتاردى ورتالىقتاندىرۋ جانە باقىلاۋ جۇمىسى جۇرگىزىلەدى.
ءىسساپار بارىسىندا چجەنچجوۋ قالاسىنداعى بالىق وسىرۋمەن اينالىساتىن شارۋاشىلىق ساۋران اۋدانىنداعى كاسىپكەرمەن بىرلەسكەن جوبانى ىسكە اسىرۋ بويىنشا ءوزارا ۋاعدالىستىققا قول جەتكىزدى. سونداي-اق قۇراما جەم ءوندىرۋ، وتقا ءتوزىمدى قىش شىعارۋ، قۇرىلىسقا قاجەتتى گيدرويزولياسيا جانە كافەل جەلىمدەرىن جانە جيhaز ءوندىرۋ زاۋىتتارىنىڭ تانىستىرىلىمى وتكىزىلدى.
