Túrkistandyq jastar Respýblika kúni "Bir týdyń astynda" aktsiiasyn uiymdastyrdy
Búgin qazaqstandyqtar ulttyq mereke – Respýblika kúnin atap ótýde. Táýelsizdikti ulyqtaityn merekeni dáripteýge túrkistandyq jastar da belsene atsalysty. «Jastar ruhy» JQ Túrkistan oblystyq filialy “Bir týdyń astynda” aktsiiasy aiasynda sherý uiymdastyrdy, – dep habarlaidy Dalanews.kz «AMANAT» partiiasy Túrkistan oblystyq filialynyń baspasóz qyzmetine silteme jasap.
Q.A.Iasaýi kesenesi mańynan elektrokarmen bastalǵan sherý “Kerýen Sarai” oiyn-saýyq ortalyǵyna deiingi baǵytty qamtydy. Jastar Memlekettik rámizimiz Týdy kóterip, qala turǵyndary men qonaqtaryna patriottyq rýh syilady. Júzderine qýanysh uialaǵan azamattar uialy telefondaryna ásem kórinisti taspalap, jastardyń bastamasyna óz rizashylyqtaryn jetkizdi.
Munan ári qalanyń bas kóshesi B.Sattarhanovtyń boiymen ákimshilik-iskerlik ortalyǵy aralyǵynda avtosherý uiymdastyryldy. Jalpy 50-ge jýyq belsendi jastyń basyn biriktirgen sharanyń uiymdastyrýshysy aktsiianyń maqsatymen bólisti.
– Túrkistandyq jastar qaita jańǵyrǵan merekeni nasihattaýǵa úles qosýdy sheshtik. Respýblika kúni – otanshyldyqqa jáne egemendigimizdiń qadirin uǵynýǵa shaqyratyn merekelerdiń qataryna endi. Biz bul merekeniń mańyzyn, salmaǵyn jáne jaýapkershiligin shynaiy sezinemiz. Aktsiiaǵa belsendi jastardan bólek, qalanyń azamattary da qatysqany qýantty. Qazaq elin Respýblika kúni merekesimen shyn júrekten quttyqtaimyz! Kók Bairaǵymyz máńgi jelbiresin! – dedi «Jastar ruhy» JQ Túrkistan oblystyq filialynyń tóraǵasy Janserik Juman.
