تٷركٸستاندىق جاستار رەسپۋبليكا كٷنٸ "بٸر تۋدىڭ استىندا" اكتسيياسىن ۇيىمداستىردى
بٷگٸن قازاقستاندىقتار ۇلتتىق مەرەكە – رەسپۋبليكا كٷنٸن اتاپ ٶتۋدە. تەۋەلسٸزدٸكتٸ ۇلىقتايتىن مەرەكەنٸ دەرٸپتەۋگە تٷركٸستاندىق جاستار دا بەلسەنە اتسالىستى. «Jastar ruhy» جق تٷركٸستان وبلىستىق فيليالى “بٸر تۋدىڭ استىندا” اكتسيياسى اياسىندا شەرۋ ۇيىمداستىردى, – دەپ حابارلايدى Dalanews.kz «AMANAT» پارتيياسى تٷركٸستان وبلىستىق فيليالىنىڭ باسپاسٶز قىزمەتٸنە سٸلتەمە جاساپ.
ق.ا.ياساۋي كەسەنەسٸ ماڭىنان ەلەكتروكارمەن باستالعان شەرۋ “كەرۋەن ساراي” ويىن-ساۋىق ورتالىعىنا دەيٸنگٸ باعىتتى قامتىدى. جاستار مەملەكەتتٸك رەمٸزٸمٸز تۋدى كٶتەرٸپ, قالا تۇرعىندارى مەن قوناقتارىنا پاتريوتتىق رۋح سىيلادى. جٷزدەرٸنە قۋانىش ۇيالاعان ازاماتتار ۇيالى تەلەفوندارىنا ەسەم كٶرٸنٸستٸ تاسپالاپ, جاستاردىڭ باستاماسىنا ٶز ريزاشىلىقتارىن جەتكٸزدٸ.
مۇنان ەرٸ قالانىڭ باس كٶشەسٸ ب.ساتتارحانوۆتىڭ بويىمەن ەكٸمشٸلٸك-ٸسكەرلٸك ورتالىعى ارالىعىندا اۆتوشەرۋ ۇيىمداستىرىلدى. جالپى 50-گە جۋىق بەلسەندٸ جاستىڭ باسىن بٸرٸكتٸرگەن شارانىڭ ۇيىمداستىرۋشىسى اكتسييانىڭ ماقساتىمەن بٶلٸستٸ.
– تٷركٸستاندىق جاستار قايتا جاڭعىرعان مەرەكەنٸ ناسيحاتتاۋعا ٷلەس قوسۋدى شەشتٸك. رەسپۋبليكا كٷنٸ – وتانشىلدىققا جەنە ەگەمەندٸگٸمٸزدٸڭ قادٸرٸن ۇعىنۋعا شاقىراتىن مەرەكەلەردٸڭ قاتارىنا ەندٸ. بٸز بۇل مەرەكەنٸڭ ماڭىزىن, سالماعىن جەنە جاۋاپكەرشٸلٸگٸن شىنايى سەزٸنەمٸز. اكتسيياعا بەلسەندٸ جاستاردان بٶلەك, قالانىڭ ازاماتتارى دا قاتىسقانى قۋانتتى. قازاق ەلٸن رەسپۋبليكا كٷنٸ مەرەكەسٸمەن شىن جٷرەكتەن قۇتتىقتايمىز! كٶك بايراعىمىز مەڭگٸ جەلبٸرەسٸن! – دەدٸ «Jastar ruhy» جق تٷركٸستان وبلىستىق فيليالىنىڭ تٶراعاسى جانسەرٸك جۇمان.
