Túrkistandyq jastar óz jetistikterimen bólisti
Jastardyń intellektýaldy keshine Túrkistan oblysy ákiminiń orynbasary Rashid Aiýpov qatysyp, jas spikerlerdiń bilimin joǵary baǵalady. Qoǵamnyń san-salasy týraly erkin pikir almasyp, ótkir suraqtar qoiyp, bir-birine keńes bergen jas órenderge sáttilik tiledi.
Bastaýyn Japoniiadan alatyn bul jobanyń ereksheligi – qoǵamnyń san salasynda jetistikke jetip júrgen azamattar jastarǵa óziniń jetistik syryn arnaiy slaidtqar arqyly qysqa-nusqa túsindiredi. 6 minýt 40 sekýndta prezentatsiialarmen órnektep, óz tájiribesimen bólisedi.
Túrkistan tórindegi «PechaKucha night» intellektýaldyq jobasynda Túrkistan qalasynyń týmasy, «Abai-Vern» (Campus France) stipendiiasynyń iegeri, «Aix Marseille University» oqý ordasynyń túlegi, Bolat Jandáýlet, AQSh-taǵy «Michigan» ýniversitetiniń túlegi Symbat Niiazbek, «Work and Travel» jobasynyń qatysýshysy Dias Tańatar jáne ózge de spikerler zamandastarymen tildesti. Ózderiniń qyzyqty oqiǵalaryn aityp, ómirde kezdesetin qiyndyqtardan sabaq alyp, jeńiske jetý kerek ekenin jetkizdi.
Elimizdiń túkpir-túkpirinen kelgen jańa stildegi ónerpazdar da túrkistandyq jastarǵa kóterińki kóńil-kúi syilady. Atap aitsaq, Eýropada pianinosymen qazaq ánderin nasihattap júrgen Temirlan Beisenbai jastardy lirika álemine jeteledi. Shiza jáne Yenlik degen atpen tanylǵan jastar da óner kórsetip, zamandastaryna kóterińki kóńil-kúi syilady.
