Túrkistan oblysyna investitsiia tartý, shet memlekettermen tájiribe almasý baǵytyndaǵy jumystar Qytai elinde jalǵasty. Is-sapardyń alǵashqy kúni Túrkistan oblysy ákiminiń orynbasary Nuralhan Kósherov bastaǵan delegatsiia QHR-nyń Beijiń qalasynda ótken «Bolashaq úshin álemdi biriktirý» atty CISCE halyqaralyq kórmesine qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul biznes sharaǵa ǵylym jáne tehnologiia salalarynyń jetekshi ókilder qatysyp, jetkizý tizbeginiń alty negizgi baǵyty boiynsha jetistikterin kórsetti. Naqtyraq aitqanda, ozyq óndiris, ekologiialyq taza energiia, aqyldy kólikter, tsifrlyq tehnologiialar, salaýatty ómir salty jáne jasyl aýyl sharýashylyǵy, sondai-aq jetkizý tizbegi qyzmetteriniń jetistikterin usyndy.
Kórmede turaqty damý men jahandyq jetkizý tizbegin jetildirýge baǵyttalǵan eń ozyq, zamanaýi tehnologiialar men innovatsiialyq sheshimder usynyldy.
Mańyzdy shara barysynda Túrkistan oblysy ákiminiń orynbasary halyqaralyq kompaniialar ókilderimen kezdesip, ekologiialyq taza tehnologiialar, aqyldy kólik sheshimderi jáne jasyl aýyl sharýashylyǵyn damytý salalarynda yntymaqtastyq múmkindikterin talqylady. Iri kompaniia ókilderin Túrkistan oblysyna investitsiia tartýǵa shaqyryp, birlesken jobalardy júzege asyrýǵa daiyn ekenin jetkizdi.
Is-sapar aiasynda Túrkistan oblysy ákiminiń orynbasary Nuralhan Kósherov Hýbei provintsiiasynyń Halyqtyq úkimetiniń Shetel isteri departamentiniń direktory Chjan Siaomeimen kezdesti.
Kezdesý barysynda taraptar Túrkistan oblysy men Hýbei provintsiiasy arasyndaǵy yntymaqtastyq nátijelerin talqylady. Eki el ókilderi bailanystardy nyǵaitýǵa yqpal etken birlesken jumystyń oń nátijelerin atap ótti.
Nuralhan Kósherov qytailyq seriktesterge ekijaqty qatynastardy damytýǵa belsendi qatysqany úshin alǵys bildirip, Hýbei provintsiiasynyń basshylaryn Túrkistan oblysyna saparmen kelýge shaqyrdy. Aimaqtar arasyndaǵy bailanystardy nyǵaitý ekonomikany damytýǵa ǵana emes, sondai-aq tájiribe almasýǵa jáne birlesken jobalardy júzege asyrýǵa jańa múmkindikter ashatynyn jetkizdi.
Kezdesý Túrkistan oblysy men Hýbei provintsiiasy arasyndaǵy seriktestikti odan ári keńeitýge jasalǵan mańyzdy qadam bolmaq. Sonymen qatar Qazaqstan men Qytai arasyndaǵy uzaq merzimdi strategiialyq seriktestik aiasyndaǵy yntymaqtastyqtyń ósip kele jatqanyn aiǵaqtaidy.
