تۇركىستان وبلىسىنا ينۆەستيسيا تارتۋ، شەت مەملەكەتتەرمەن تاجىريبە الماسۋ باعىتىنداعى جۇمىستار جۇڭگو ەلىندە جالعاستى. ءىس-ساپاردىڭ العاشقى كۇنى تۇركىستان وبلىسى اكىمىنىڭ ورىنباسارى نۇرالحان كوشەروۆ باستاعان دەلەگاسيا قحر-نىڭ بەيجىڭ قالاسىندا وتكەن «بولاشاق ءۇشىن الەمدى بىرىكتىرۋ» اتتى CISCE حالىقارالىق كورمەسىنە قاتىستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇل بيزنەس شاراعا عىلىم جانە تەحنولوگيا سالالارىنىڭ جەتەكشى وكىلدەر قاتىسىپ، جەتكىزۋ تىزبەگىنىڭ التى نەگىزگى باعىتى بويىنشا جەتىستىكتەرىن كورسەتتى. ناقتىراق ايتقاندا، وزىق ءوندىرىس، ەكولوگيالىق تازا ەنەرگيا، اقىلدى كولىكتەر، سيفرلىق تەحنولوگيالار، سالاۋاتتى ءومىر سالتى جانە جاسىل اۋىل شارۋاشىلىعى، سونداي-اق جەتكىزۋ تىزبەگى قىزمەتتەرىنىڭ جەتىستىكتەرىن ۇسىندى.
كورمەدە تۇراقتى دامۋ مەن جاھاندىق جەتكىزۋ تىزبەگىن جەتىلدىرۋگە باعىتتالعان ەڭ وزىق، زاماناۋي تەحنولوگيالار مەن يننوۆاسيالىق شەشىمدەر ۇسىنىلدى.
ماڭىزدى شارا بارىسىندا تۇركىستان وبلىسى اكىمىنىڭ ورىنباسارى حالىقارالىق كومپانيالار وكىلدەرىمەن كەزدەسىپ، ەكولوگيالىق تازا تەحنولوگيالار، اقىلدى كولىك شەشىمدەرى جانە جاسىل اۋىل شارۋاشىلىعىن دامىتۋ سالالارىندا ىنتىماقتاستىق مۇمكىندىكتەرىن تالقىلادى. ءىرى كومپانيا وكىلدەرىن تۇركىستان وبلىسىنا ينۆەستيسيا تارتۋعا شاقىرىپ، بىرلەسكەن جوبالاردى جۇزەگە اسىرۋعا دايىن ەكەنىن جەتكىزدى.
ءىس-ساپار اياسىندا تۇركىستان وبلىسى اكىمىنىڭ ورىنباسارى نۇرالحان كوشەروۆ حۋبەي پروۆينسياسىنىڭ حالىقتىق ۇكىمەتىنىڭ شەتەل ىستەرى دەپارتامەنتىنىڭ ديرەكتورى چجان سياومەيمەن كەزدەستى.
كەزدەسۋ بارىسىندا تاراپتار تۇركىستان وبلىسى مەن حۋبەي پروۆينسياسى اراسىنداعى ىنتىماقتاستىق ناتيجەلەرىن تالقىلادى. ەكى ەل وكىلدەرى بايلانىستاردى نىعايتۋعا ىقپال ەتكەن بىرلەسكەن جۇمىستىڭ وڭ ناتيجەلەرىن اتاپ ءوتتى.
نۇرالحان كوشەروۆ قىتايلىق سەرىكتەستەرگە ەكىجاقتى قاتىناستاردى دامىتۋعا بەلسەندى قاتىسقانى ءۇشىن العىس ءبىلدىرىپ، حۋبەي پروۆينسياسىنىڭ باسشىلارىن تۇركىستان وبلىسىنا ساپارمەن كەلۋگە شاقىردى. ايماقتار اراسىنداعى بايلانىستاردى نىعايتۋ ەكونوميكانى دامىتۋعا عانا ەمەس، سونداي-اق تاجىريبە الماسۋعا جانە بىرلەسكەن جوبالاردى جۇزەگە اسىرۋعا جاڭا مۇمكىندىكتەر اشاتىنىن جەتكىزدى.
كەزدەسۋ تۇركىستان وبلىسى مەن حۋبەي پروۆينسياسى اراسىنداعى سەرىكتەستىكتى ودان ءارى كەڭەيتۋگە جاسالعان ماڭىزدى قادام بولماق. سونىمەن قاتار قازاقستان مەن جۇڭگو اراسىنداعى ۇزاق مەرزىمدى ستراتەگيالىق سەرىكتەستىك اياسىنداعى ىنتىماقتاستىقتىڭ ءوسىپ كەلە جاتقانىن ايعاقتايدى.
