Túrkistandyq dárigerler shala týǵan úshemniń ómirin saqtap qaldy
Urpaǵy kóbeiip, órisi keńeigen otbasynyń jas ana men shala týǵan shaqalaqtardyń ómirin arashalap qalǵan aq halattylarǵa aitar alǵysy sheksiz. Dárigerlerdiń aitýynsha, júktiliktiń 32-shi aptasynda áielge jedel ota jasaýǵa týra kelgen. Alǵash ret ana atanǵan Dinara Muhitovanyń jaqyndary búldúrshindirge Hadisha, Fatima, Zahra esimderin bergen.
Dárigerler aman alyp qalǵan úsh qyz merziminen buryn dúniege kelip, bir apta boiy jansaqtaý bóliminde jatqan. Ókpesi durys damymai týylǵan nárestelerdiń úsheýi birdei jasandy tynys alý apparatyna qosylypty.
№3 oblystyq perinataldyq ortalyqtyń dárigerleriniń qatań baqylaýynda bolǵan nárestelerdiń árqaisysy osy ýaqyt ishinde bir keliden salmaq qosqan. Jas otbasy Túrkistan oblysy Kentaý qalasyna qarasty Qarashyq aýylynyń turǵyndary.
– 10 naýryz kúni úshem dúniege keldi. Endi dúniege kelgende nárestelerdiń ókpesi durys damymai IVL-aparatynda jatty. Keiin 10 kúnnen soń jan saqtaý bóliminen aýystyryldy. Alǵashqyda salmaqtary – 1 keli 480 gram, keli 180 gram jáne 1 keli 460 gramm boldy. Búginde sábilerdiń densaýlyǵy jaqsy, – deidi №3 Oblystyq perinataldyq ortalyǵynyń sarapshy dárigeri Gúlaisha Ernazarova.
Aita ketsek, byltyr oblystyq perinataldyq ortalyǵynda 9793 sábi dúniege kelgen. Jyl basynan beri 2652 náreste týylǵan.
