Túrkiiada 20 jasqa deiingi balýandar arasynda ótken “VICTORY CUP” halyqaralyq týrniri óz máresine jetti. Bairaqty básekede Qazaqstannyń namysyn qorǵaǵan sportshylar qatarynda Túrkistan oblysynyń órenderi de erekshe kózge túsip, el qorjynyna úsh birdei medal saldy, dep habarlaidy Dalanews.kz
Atap aitqanda, 57 keli salmaq dárejesinde óner kórsetken Mahdiia Ýsmanova tamasha sheberlik pen tabandylyq tanytyp, barlyq qarsylasyn aiqyn basymdyqpen jeńip, altyn medal ielendi.
Al 76 keli salmaqta bozkilemge shyqqan Merýert Nazarbaeva kúmis júldege qol jetkizse, 59 kelide synǵa túsken Balnur Nurlan qola júldeni enshiledi.
