Aimaq basshysy aldymen "Iassy nan" JShS-ne taban tiredi. 2014 jyly iske qosylǵan jobanyń jalpy quny 200 mln. teńge. Táýligine 13,7 tonna ónim shyǵaratyn nan zaýytynda 100 adam turaqty jumyspen qamtylǵan. Kásiporyn basshysy Nasiba Ataeva as atasyna degen suranystyń artýyna bailanysty ónim kólemin de kóbeitýge bel bailaǵanyn aitady.
"Bul naýbaihana bastapqyda belgili bir kásiporyn jumysshylaryn nan ónimimen qamtamasyz etý úshin qurylǵan. Ýaqyt óte kele qala turǵyndarynan bizdiń ónimge degen suranys kúrt artty. Nátijesinde ónim kólemin táýligine 30 myń danadan 50 myńǵa shyǵaryp otyrmyz. Osyǵan orai jańa jumys oryndary ashylyp, naýbaihanamyzdyń óndiristik qýaty men aýmaǵy meilinshe ulǵaidy. Qazirgi tańda munda nannyń 40 túri, shujyq óniminiń 15 túri shyǵarylady", – dedi Nasiba Sabyrqyzy.
Búginde kásipker óz esebinen jobaǵa qosymsha 800 mln. teńge qarjy quiyp, Cheh Respýblikasynan nan jabýǵa arnalǵan zamanaýi qondyrǵylar satyp alǵan. Qazirgi tańda mekeme Túrkisan qalasyn nan ónimderimen tolyq qamtamasyz etip, baǵa turaqtylyǵyn saqtap otyr.
Sondai-aq, aimaq basshysy qurylys zattaryn shyǵarýmen ainalysatyn "Iassy qurylys" jaýapkershiligi shekteýli seriktestigine de aialdady. Oblys ákimi zaýyt jumysshylarymen kezdesip, otandyq kásiporynnyń ónim shyǵarý áleýetimen keńinen tanysty.
"Iassy qurylys" 2012 jyly qurylǵan. Qazirgi tańda óndiris ornynda 120 adam jumys isteidi.
Zaýyt jylyna 138 000 tonna temir beton buiymdaryn shyǵaryp, ishki naryqty otandyq qurylys zattarymen qamtamasyz etip otyr.
Foto: Samat Myrzaliev
