Túrki áleminiń týristik astanasynda ótip jatqan «TURKISTAN INVESTMENT AND TOURISM FORUM – 2024» halyqaralyq investitsiialyq forým jumysy ári qarai «Óńdeý jáne ónerkásip salasyndaǵy Qazaqstan-Qytai investitsiialyq yntymaqtastyǵy», «Qytaidyń Qazaqstandaǵy týrizm jyly – 2025» jáne «Tsifrlyq transformatsiia» atty taqyryptyq paneldik otyrystarǵa jalǵasty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jiyn barysynda jalpy quny 301 mlrd teńgeden asatyn 35 yntymaqtastyq memorandýmyna qol qoiyldy. Bul kelisim aiasynda óńirde jańa jobalar júzege asyrylmaq. Aita keteiik, forým biznes pen investorlar úshin jańa múmkindikter ashyp, Túrkistan oblysynyń halyqaralyq yntymaqtastyqtaǵy strategiialyq mańyzdylyǵyn kórsetedi.
Jalpy Túrkistan oblysynda 2027 jylǵa deiin júzege asatyn 145 invest jobanyń pýly qalyptasqan. Bul jobalar 17 myń jańa jumys ornyn ashyp, ózindik kiristi qosymsha 100 mlrd teńgege ulǵaitýǵa múmkindik beredi dep kútilýde.
Sondai-aq óńirde 594 gektardy quraityn 10 indýstrialdy aimaq jáne 580 gektardan turatyn arnaiy ekonomikalyq aimaqtar bar. Onda 49 kásiporyn jumys isteidi. Qosymsha 39 jobanyń qurylysy júrgizilip jatyr.
Aita keteiik, Túrkistanda qazir óńirdiń bar áleýetin paidalanyp, daiyn ónim shyǵarýǵa basymdyq berilgen. Osy maqsatta jáne óńirge investitsiia tartý jumystaryn kúsheitý úshin aýdan jáne qala ákimdikteri, biznes ókilderimen birlese Qytai Halyq Respýblikasyna is-saparlar uiymdastyryldy. Onyń nátijesinde Qytai Halyq Respýblikasynyń jańa tehnologiiasy jáne qytailyq investorlardyń kapitalymen birqatar jobalar bastaý aldy.
Al óńir ekonomikasyna shamamen 1,2 trln. teńge investitsiia baǵyttalady. Iri jobalardyń qatarynda tekstil klasterin qurý, kún jáne jel elektrostantsiiasynyń qurylysy siiaqty iri jobalar bar.
Búgingi halyqaralyq forým dál osy saparlardyń resmi jalǵasyna ainalyp, memleket pen biznes arasyndaǵy ózara dialogtyń mańyzdy alańy bolyp otyr. Forýmdaǵy kelisimder arqyly Túrkistan oblysynda túrli baǵytta mańyzdy jobalar júzege asyp, óndiris oryndary kóbeimek.
