تٷركٸ ەلەمٸنٸڭ تۋريستٸك استاناسىندا ٶتٸپ جاتقان «TURKISTAN INVESTMENT AND TOURISM FORUM – 2024» حالىقارالىق ينۆەستيتسييالىق فورۋم جۇمىسى ەرٸ قاراي «ٶڭدەۋ جەنە ٶنەركەسٸپ سالاسىنداعى قازاقستان-قىتاي ينۆەستيتسييالىق ىنتىماقتاستىعى», «قىتايدىڭ قازاقستانداعى تۋريزم جىلى – 2025» جەنە «تسيفرلىق ترانسفورماتسييا» اتتى تاقىرىپتىق پانەلدٸك وتىرىستارعا جالعاستى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جيىن بارىسىندا جالپى قۇنى 301 ملرد تەڭگەدەن اساتىن 35 ىنتىماقتاستىق مەموراندۋمىنا قول قويىلدى. بۇل كەلٸسٸم اياسىندا ٶڭٸردە جاڭا جوبالار جٷزەگە اسىرىلماق. ايتا كەتەيٸك, فورۋم بيزنەس پەن ينۆەستورلار ٷشٸن جاڭا مٷمكٸندٸكتەر اشىپ, تٷركٸستان وبلىسىنىڭ حالىقارالىق ىنتىماقتاستىقتاعى ستراتەگييالىق ماڭىزدىلىعىن كٶرسەتەدٸ.
جالپى تٷركٸستان وبلىسىندا 2027 جىلعا دەيٸن جٷزەگە اساتىن 145 ينۆەست جوبانىڭ پۋلى قالىپتاسقان. بۇل جوبالار 17 مىڭ جاڭا جۇمىس ورنىن اشىپ, ٶزٸندٸك كٸرٸستٸ قوسىمشا 100 ملرد تەڭگەگە ۇلعايتۋعا مٷمكٸندٸك بەرەدٸ دەپ كٷتٸلۋدە.
سونداي-اق ٶڭٸردە 594 گەكتاردى قۇرايتىن 10 يندۋستريالدى ايماق جەنە 580 گەكتاردان تۇراتىن ارنايى ەكونوميكالىق ايماقتار بار. وندا 49 كەسٸپورىن جۇمىس ٸستەيدٸ. قوسىمشا 39 جوبانىڭ قۇرىلىسى جٷرگٸزٸلٸپ جاتىر.
ايتا كەتەيٸك, تٷركٸستاندا قازٸر ٶڭٸردٸڭ بار ەلەۋەتٸن پايدالانىپ, دايىن ٶنٸم شىعارۋعا باسىمدىق بەرٸلگەن. وسى ماقساتتا جەنە ٶڭٸرگە ينۆەستيتسييا تارتۋ جۇمىستارىن كٷشەيتۋ ٷشٸن اۋدان جەنە قالا ەكٸمدٸكتەرٸ, بيزنەس ٶكٸلدەرٸمەن بٸرلەسە قىتاي حالىق رەسپۋبليكاسىنا ٸس-ساپارلار ۇيىمداستىرىلدى. ونىڭ نەتيجەسٸندە قىتاي حالىق رەسپۋبليكاسىنىڭ جاڭا تەحنولوگيياسى جەنە قىتايلىق ينۆەستورلاردىڭ كاپيتالىمەن بٸرقاتار جوبالار باستاۋ الدى.
ال ٶڭٸر ەكونوميكاسىنا شامامەن 1,2 ترلن. تەڭگە ينۆەستيتسييا باعىتتالادى. ٸرٸ جوبالاردىڭ قاتارىندا تەكستيل كلاستەرٸن قۇرۋ, كٷن جەنە جەل ەلەكتروستانتسيياسىنىڭ قۇرىلىسى سيياقتى ٸرٸ جوبالار بار.
بٷگٸنگٸ حالىقارالىق فورۋم دەل وسى ساپارلاردىڭ رەسمي جالعاسىنا اينالىپ, مەملەكەت پەن بيزنەس اراسىنداعى ٶزارا ديالوگتىڭ ماڭىزدى الاڭى بولىپ وتىر. فورۋمداعى كەلٸسٸمدەر ارقىلى تٷركٸستان وبلىسىندا تٷرلٸ باعىتتا ماڭىزدى جوبالار جٷزەگە اسىپ, ٶندٸرٸس ورىندارى كٶبەيمەك.
