2026 جىلدىڭ بەس ايىندا 266 مال ۇرلىعى فاكتٸسٸ تٸركەلدٸ, بۇل ٶتكەن جىلدىڭ سەيكەس كەزەڭٸمەن سالىستىرعاندا 11%-عا تٶمەن, دەپ حابارلايدى dalanews.kz.
سونىمەن قاتار قىلمىستىڭ وسى تٷرٸن اشۋ كٶرسەتكٸشٸندە وڭ ديناميكا بايقالادى. قابىلدانعان شارالاردىڭ نەتيجەسٸندە مال ۇرلىعىنا قاتىسى بار 258 ادام ۇستالىپ, 58 قىلمىستىق توپتىڭ ەرەكەتٸ توقتاتىلدى.
ۇرلانعان 1730 باس مالدىڭ 1007-سٸ يەلەرٸنە قايتارىلدى. جامبىل وبلىسىندا پوليتسييا قىزمەتكەرلەرٸ جالپى قۇنى 15 ميلليون تەڭگەدەن اساتىن 25 باس ٸرٸ قارا مالدىڭ ۇرلانۋ دەرەگٸن اشتى. جەدەل-ٸزدەستٸرۋ ٸس-شارالارى بارىسىندا ٶڭٸردٸڭ ٷش تۇرعىنى ۇستالدى. ولار تٷنگٸ ۋاقىتتا جٷك كٶلٸگٸن پايدالانىپ, جايىلىمنان مال ۇرلاپ, كەيٸن ونىڭ بٸر بٶلٸگٸن دەلدالدار ارقىلى ساتىپ جٸبەرگەن. قازٸرگٸ ۋاقىتتا كٷدٸكتٸلەر ۇستالىپ, ۋاقىتشا ۇستاۋ يزولياتورىنا قامالدى. ۇرلانعان مال زاڭدى يەسٸنە قايتارىلدى.
ٸشكٸ ٸستەر مينيسترلٸگٸ اۋىل شارۋاشىلىعى جانۋارلارىنىڭ يەلەرٸن مالدى قاراۋسىز ەركٸن جايىلىمعا جٸبەرمەۋگە, ونى ۋاقتىلى تاڭبالاپ, مال جوعالعان جاعدايدا پوليتسيياعا دەرەۋ حابارلاۋعا شاقىرادى.
