2026 jyldyń bes aiynda 266 mal urlyǵy faktisi tirkeldi, bul ótken jyldyń sáikes kezeńimen salystyrǵanda 11%-ǵa tómen, dep habarlaidy dalanews.kz.
Sonymen qatar qylmystyń osy túrin ashý kórsetkishinde oń dinamika baiqalady. Qabyldanǵan sharalardyń nátijesinde mal urlyǵyna qatysy bar 258 adam ustalyp, 58 qylmystyq toptyń áreketi toqtatyldy.
Urlanǵan 1730 bas maldyń 1007-si ielerine qaitaryldy. Jambyl oblysynda politsiia qyzmetkerleri jalpy quny 15 million teńgeden asatyn 25 bas iri qara maldyń urlaný deregin ashty. Jedel-izdestirý is-sharalary barysynda óńirdiń úsh turǵyny ustaldy. Olar túngi ýaqytta júk kóligin paidalanyp, jaiylymnan mal urlap, keiin onyń bir bóligin deldaldar arqyly satyp jibergen. Qazirgi ýaqytta kúdiktiler ustalyp, ýaqytsha ustaý izoliatoryna qamaldy. Urlanǵan mal zańdy iesine qaitaryldy.
Ishki ister ministrligi aýyl sharýashylyǵy janýarlarynyń ielerin maldy qaraýsyz erkin jaiylymǵa jibermeýge, ony ýaqtyly tańbalap, mal joǵalǵan jaǵdaida politsiiaǵa dereý habarlaýǵa shaqyrady.
