جامبىل وبلىسى پوليتسييا دەپارتامەنتٸ باستىعىنىڭ بۇرىنعى ورىنباسارى جايداربەك قۇتتىباەۆ پەن تالاس اۋداندىق پوليتسييا بٶلٸمٸنٸڭ ەكس-باسشىسى ەركەن اباەۆ قىلمىستىق قۇقىقبۇزۋشىلىق جاساعانى ٷشٸن كٸنەلٸ دەپ تانىلىپ, باس بوستاندىعىنان ايىرىلدى, دەپ حابارلايدى dalanews.kz.
سوت قانداي شەشٸم شىعاردى
Orda.kz مەلٸمەتٸنشە, ٸس بويىنشا بۇرىنعى پوليتسييا قىزمەتكەرٸ دارحان ۋەليەۆ جەبٸرلەنۋشٸ رەتٸندە تانىلعان. مەملەكەتتٸك ايىپتاۋشى جايداربەك قۇتتىباەۆتى 6 جىلعا, ال ەركەن اباەۆتى 5 جىلعا باس بوستاندىعىنان ايىرۋدى سۇراعان. سوت بۇل تالاپتاردى قاناعاتتاندىرىپ, ەكەۋٸنە دە مەملەكەتتٸك قىزمەتتە جۇمىس ٸستەۋگە ٶمٸر بويىنا تىيىم سالدى.
قانداي باپتار بويىنشا كٸنەلٸ دەپ تانىلدى
سوت جايداربەك قۇتتىباەۆتى قىلمىستىق كودەكستٸڭ 190-بابى 3-بٶلٸگٸ 1 جەنە 2-تارماقتارى بويىنشا («لاۋازىمدىق جاعدايىن پايدالانا وتىرىپ, ٸرٸ كٶلەمدە جاسالعان الاياقتىق») كٸنەلٸ دەپ تانىدى.
ال ەركەن اباەۆ قىلمىستىق كودەكستٸڭ 28-بابىنىڭ 5-بٶلٸگٸ («قىلمىستىق قۇقىقبۇزۋشىلىققا قاتىسۋشىلاردىڭ تٷرلەرٸ») جەنە 367-بابىنىڭ 2-بٶلٸگٸ («ەلەۋلٸ مٶلشەردە پارا بەرۋ») بويىنشا سوتتالدى.
سوت ٷكٸمٸمەن سوتتالعاندارعا مەملەكەتتٸك قىزمەتتە, قۇقىق قورعاۋ ورگاندارىندا, جەرگٸلٸكتٸ ٶزٸن-ٶزٸ باسقارۋ ورگاندارىندا, قارجى ۇيىمدارىندا, باقىلاۋ جەنە قاداعالاۋ قۇرىلىمدارىندا, سونداي-اق مەملەكەتتٸك جەنە كۆازيمەملەكەتتٸك سەكتوردا قىزمەت اتقارۋعا ٶمٸر بويىنا تىيىم سالىندى.
ٸس قالاي باستالدى?
2025 جىلدىڭ قىركٷيەگٸندە جايداربەك قۇتتىباەۆقا قاتىستى تەكسەرۋ جٷرگٸزٸلٸپ جاتقانى بەلگٸلٸ بولعان ەدٸ. رەداكتسييا دەرەككٶزدەرٸنٸڭ مەلٸمەتٸنشە, تەكسەرۋ پوليتسييا قىزمەتكەرٸ دارحان ۋەليەۆكە قاتىستى كادرلىق شەشٸمدەرمەن بايلانىستى بولعان.
تەرگەۋ نۇسقاسىنا سەيكەس, دارحان ۋەليەۆ ەركەن اباەۆ پەن ونىڭ جەتەكشٸسٸ جايداربەك قۇتتىباەۆتىڭ ٷستٸنەن ارىز جازعان. اباەۆتىڭ وبلىستىق پوليتسييا باسشىلىعىنىڭ ورىنباسارىنا بەلگٸلٸ بٸر مەسەلەنٸ شەشۋ ٷشٸن جٷگٸنگەنٸ ايتىلعان.
سونداي-اق حات الماسۋ اباەۆ پەن ۋەليەۆ اراسىندا جٷرگەنٸ, ال قۇتتىباەۆتىڭ بۇل ديالوگقا تٸكەلەي قاتىسپاعانى حابارلانعان. تەكسەرۋ قورىتىندىسىنان كەيٸن جايداربەك قۇتتىباەۆ قىزمەتٸنەن شەتتەتٸلٸپ, كەيٸن ۇستالدى. ال سول كەزدە ەركەن اباەۆقا ٸزدەۋ جارييالانعان بولاتىن.
