Zaýyt basshylyǵy tehniqalyq tekseristen soń, bir aida zaýyt jumysyn qaita bastaitynyn jetkizdi. Odan bólek túie sútin qaita óńdei otyryp, qurǵaq tabletka kúiinde shyǵaratynyn atap ótti.
Aita keteiik, oblys ákimi mamyr aiynda Qytaiǵa jumys saparynda «Golden Camel» zaýytynyń basshylarymen kezdesip, jumysyn toqtatqan zaýytty qaita iske qosý týraly máseleni talqylaǵan bolatyn. Nátijesinde, investorlar kásiporyndy qaita jandandyratyn boldy.
– Ózderińizben Túrkistanda qaita qaýyshqanymyzǵa qýanyshtymyn. Ózińizdi Túrkistan oblysynyń damýyna alǵashqy iri investitsiia salǵan azamattardyń biri retinde tanimyz. Zaýyt jumysyn jandandyrý týraly usynysymyzdy qabyl alǵandaryńyz úshin alǵys bildiremiz.
Óńirimizde qytailyq kompaniialardyń qatysýyn arttyrýdy josparlap otyrǵanymyzdy atap ótkim keledi. Ol úshin birqatar baǵytta óńiraralyq kooperatsiiany damytýdyń joǵary áleýeti zor. Zaýytty qaita iske qosý jáne ári qarai damytý barysynda memleket tarapynan jan-jaqty qoldaý kórsetiledi. Alda ózge de jobalarǵa atsalysýǵa shaqyramyn.
Kentaý qalasy Oranǵai eldi mekeninde ornalasqan arnaiy ekonomikalyq aimaǵynyń mańynan Qazaq-Qytai arnaiy ekonomikalyq aimaǵyn qurýdy josparlap otyrmyz. Biz óz tarapymyzdan qytailyq kompaniialardyń biznesti damytý jónindegi bastamalaryna tolyq qoldaý kórsetýge daiynbyz jáne yntymaqtastyǵymyz uzaq merzimge jalǵasady dep úmittenemiz, – dedi Túrkistan oblysy ákimi Darhan Satybaldy.
Qazaqstan men Qytai Halyq Respýblikasy arasyndaǵy qarym qatynasty odan ári damytý maqsatynda Túrkistan qalasynda eki el birlesken Qazaqstan-Qytai indýstriialdy aimaǵyn qurý josparlanýda. Bul rette taraptar Qazaqstan-Qytai indýstriialdy aimaǵynyń aýmaǵynda tamshylatyp sýarý óndirisi, sýsyzdandyrylǵan kókónisterdi óńdeý, iri jáne usaq maldyń qan, súiek jáne ishki organdaryn qaita óńdeý jáne jelatin óńdeý zaýyttary siiaqty birqatar investitsiialyq jobalardy júzege asyrý barysyn talqylady.
– Túrkistanǵa kelgenime biraz jyl boldy. Osynda jańa is bastap, jumys istedik. Sondyqtan men úshin Túrkistan árqashan ystyq. Óńirdi damytýǵa úlesimizdi qosýdy bizdiń den mindetimiz, dep esepteimin. Osyǵan deiin Qytaidaǵy kezdesýimizden keiin jumysty qaita qolǵa alýǵa bel býdyq. Osy joly zaýytty qaitadan iske qosý úshin kelip otyrmyn.
Tehnikalyq tekserý jumystarynan keiin jaqyn arada kásiporyndy iske qosýǵa daiynmyn. Túie sútinen tabletka shyǵarýdy qolǵa alamyz. Eshki súti Túrkistan oblysynda úlken suranysqa ie. Sondyqtan osy baǵytta da jumystardy jandandyrýǵa daiynbyz, – dedi «Golden Camel group LTD» tóraǵasy Ian Dji.
Ónimdiligi táýligine 100 tonna túie men bie sútin óńdeitin «Golden Camel group LTD» 7 mlrd. teńgeden astam investitsiia quiylǵan. Sonymen qatar ulttyq sýsyndy sońǵy protseske deiin óńdep, kosmetikalyq ónimder men turmystyq himiialyq suiyqtyqtar shyǵarady. Óniminiń basym bóligin eksportqa shetel memleketterine jóneltedi. Jobany iske asyrý Túrkistan men kórshi Qyzylorda jáne Jambyl oblystarynda túie sharýashylyǵyn damytýǵa jáne mal basyn arttyrýǵa múmkindik beredi.
