زاۋىت باسشىلىعى تەحنيقالىق تەكسەرٸستەن سوڭ, بٸر ايدا زاۋىت جۇمىسىن قايتا باستايتىنىن جەتكٸزدٸ. ودان بٶلەك تٷيە سٷتٸن قايتا ٶڭدەي وتىرىپ, قۇرعاق تابلەتكا كٷيٸندە شىعاراتىنىن اتاپ ٶتتٸ.
ايتا كەتەيٸك, وبلىس ەكٸمٸ مامىر ايىندا قىتايعا جۇمىس ساپارىندا «Golden Camel» زاۋىتىنىڭ باسشىلارىمەن كەزدەسٸپ, جۇمىسىن توقتاتقان زاۋىتتى قايتا ٸسكە قوسۋ تۋرالى مەسەلەنٸ تالقىلاعان بولاتىن. نەتيجەسٸندە, ينۆەستورلار كەسٸپورىندى قايتا جانداندىراتىن بولدى.
– ٶزدەرٸڭٸزبەن تٷركٸستاندا قايتا قاۋىشقانىمىزعا قۋانىشتىمىن. ٶزٸڭٸزدٸ تٷركٸستان وبلىسىنىڭ دامۋىنا العاشقى ٸرٸ ينۆەستيتسييا سالعان ازاماتتاردىڭ بٸرٸ رەتٸندە تانيمىز. زاۋىت جۇمىسىن جانداندىرۋ تۋرالى ۇسىنىسىمىزدى قابىل العاندارىڭىز ٷشٸن العىس بٸلدٸرەمٸز.
ٶڭٸرٸمٸزدە قىتايلىق كومپانييالاردىڭ قاتىسۋىن ارتتىرۋدى جوسپارلاپ وتىرعانىمىزدى اتاپ ٶتكٸم كەلەدٸ. ول ٷشٸن بٸرقاتار باعىتتا ٶڭٸرارالىق كووپەراتسييانى دامىتۋدىڭ جوعارى ەلەۋەتٸ زور. زاۋىتتى قايتا ٸسكە قوسۋ جەنە ەرٸ قاراي دامىتۋ بارىسىندا مەملەكەت تاراپىنان جان-جاقتى قولداۋ كٶرسەتٸلەدٸ. الدا ٶزگە دە جوبالارعا اتسالىسۋعا شاقىرامىن.
كەنتاۋ قالاسى ورانعاي ەلدٸ مەكەنٸندە ورنالاسقان ارنايى ەكونوميكالىق ايماعىنىڭ ماڭىنان قازاق-قىتاي ارنايى ەكونوميكالىق ايماعىن قۇرۋدى جوسپارلاپ وتىرمىز. بٸز ٶز تاراپىمىزدان قىتايلىق كومپانييالاردىڭ بيزنەستٸ دامىتۋ جٶنٸندەگٸ باستامالارىنا تولىق قولداۋ كٶرسەتۋگە دايىنبىز جەنە ىنتىماقتاستىعىمىز ۇزاق مەرزٸمگە جالعاسادى دەپ ٷمٸتتەنەمٸز, – دەدٸ تٷركٸستان وبلىسى ەكٸمٸ دارحان ساتىبالدى.
قازاقستان مەن قىتاي حالىق رەسپۋبليكاسى اراسىنداعى قارىم قاتىناستى ودان ەرٸ دامىتۋ ماقساتىندا تٷركٸستان قالاسىندا ەكٸ ەل بٸرلەسكەن قازاقستان-قىتاي يندۋسترييالدى ايماعىن قۇرۋ جوسپارلانۋدا. بۇل رەتتە تاراپتار قازاقستان-قىتاي يندۋسترييالدى ايماعىنىڭ اۋماعىندا تامشىلاتىپ سۋارۋ ٶندٸرٸسٸ, سۋسىزداندىرىلعان كٶكٶنٸستەردٸ ٶڭدەۋ, ٸرٸ جەنە ۇساق مالدىڭ قان, سٷيەك جەنە ٸشكٸ ورگاندارىن قايتا ٶڭدەۋ جەنە جەلاتين ٶڭدەۋ زاۋىتتارى سيياقتى بٸرقاتار ينۆەستيتسييالىق جوبالاردى جٷزەگە اسىرۋ بارىسىن تالقىلادى.
– تٷركٸستانعا كەلگەنٸمە بٸراز جىل بولدى. وسىندا جاڭا ٸس باستاپ, جۇمىس ٸستەدٸك. سوندىقتان مەن ٷشٸن تٷركٸستان ەرقاشان ىستىق. ٶڭٸردٸ دامىتۋعا ٷلەسٸمٸزدٸ قوسۋدى بٸزدٸڭ دەن مٸندەتٸمٸز, دەپ ەسەپتەيمٸن. وسىعان دەيٸن قىتايداعى كەزدەسۋٸمٸزدەن كەيٸن جۇمىستى قايتا قولعا الۋعا بەل بۋدىق. وسى جولى زاۋىتتى قايتادان ٸسكە قوسۋ ٷشٸن كەلٸپ وتىرمىن.
تەحنيكالىق تەكسەرۋ جۇمىستارىنان كەيٸن جاقىن ارادا كەسٸپورىندى ٸسكە قوسۋعا دايىنمىن. تٷيە سٷتٸنەن تابلەتكا شىعارۋدى قولعا الامىز. ەشكٸ سٷتٸ تٷركٸستان وبلىسىندا ٷلكەن سۇرانىسقا يە. سوندىقتان وسى باعىتتا دا جۇمىستاردى جانداندىرۋعا دايىنبىز, – دەدٸ «Golden Camel group LTD» تٶراعاسى يان دجي.
ٶنٸمدٸلٸگٸ تەۋلٸگٸنە 100 توننا تٷيە مەن بيە سٷتٸن ٶڭدەيتٸن «Golden Camel group LTD» 7 ملرد. تەڭگەدەن استام ينۆەستيتسييا قۇيىلعان. سونىمەن قاتار ۇلتتىق سۋسىندى سوڭعى پروتسەسكە دەيٸن ٶڭدەپ, كوسمەتيكالىق ٶنٸمدەر مەن تۇرمىستىق حيمييالىق سۇيىقتىقتار شىعارادى. ٶنٸمٸنٸڭ باسىم بٶلٸگٸن ەكسپورتقا شەتەل مەملەكەتتەرٸنە جٶنەلتەدٸ. جوبانى ٸسكە اسىرۋ تٷركٸستان مەن كٶرشٸ قىزىلوردا جەنە جامبىل وبلىستارىندا تٷيە شارۋاشىلىعىن دامىتۋعا جەنە مال باسىن ارتتىرۋعا مٷمكٸندٸك بەرەدٸ.
