Túrkistandaǵy Tótenshe jaǵdailar departamentine sý jańa tehnika tabystaldy
Olardyń ishinde órt sóndirý jáne oqiǵa ornyna jedel jetetin jeńil kólikter men arnaiy avtomashinalar bar. Jeńil kólikter oblystaǵy shalǵai aýyldardaǵy órt sóndirý bólimderine berildi.
Al qalǵan alyp tehnikalar endigi jerde oblys ortalyǵymen halqy tyǵyz ornalasqan aimaqtardaǵy qaýipsizdikti kúzetetin bolady.
Bul tehnikalardy satyp alý úshin oblys biýdjetinen 380 mln teńge qarjy bólingen. Statistikaǵa súiensek, búginde oblystyq Tótenshe jaǵdailar departamentinde 139 órt sóndirý kóligi bolsa, sonyń 75-iniń tozyǵy jetken. Osy olqylyqtyń ornyn toltyrý úshin jyl saiyn oblystyq qazynadan qarjy qarastyrylyp, qajetti tehnikalar satyp alynýda.
Bul baǵyttaǵy jumystar aldaǵy ýaqytta da jalǵasyn tappaq. Sonymen qatar jiynda oblystyq tótenshe jaǵdailar qyzmetiniń qysqy maýsymǵa daiyndyǵy pysyqtaldy.
Nurǵali Júnisov, oblystyq TJD basshysy:
- Bizdiń materialdyq-tehnikalyq bazamyzdy nyǵaityp, jumystyń jaqsarýyna jańa múmkindikter ashýda. Atqarylyp jatqan izgi is-sharalar Tótenshe jaǵdailar komiteti tarapynan da óz oń baǵasyn alyp, basqa oblystarǵa úlgi retinde usynylýda. Osynyń barlyǵy Túrkistan oblysy halqynyń qaýipsizdigin qamtamasyz etýge baǵyttalǵan jumystar.
