تٷركٸستانداعى تٶتەنشە جاعدايلار دەپارتامەنتٸنە سۋ جاڭا تەحنيكا تابىستالدى
ولاردىڭ ٸشٸندە ٶرت سٶندٸرۋ جەنە وقيعا ورنىنا جەدەل جەتەتٸن جەڭٸل كٶلٸكتەر مەن ارنايى اۆتوماشينالار بار. جەڭٸل كٶلٸكتەر وبلىستاعى شالعاي اۋىلدارداعى ٶرت سٶندٸرۋ بٶلٸمدەرٸنە بەرٸلدٸ.
ال قالعان الىپ تەحنيكالار ەندٸگٸ جەردە وبلىس ورتالىعىمەن حالقى تىعىز ورنالاسقان ايماقتارداعى قاۋٸپسٸزدٸكتٸ كٷزەتەتٸن بولادى.
بۇل تەحنيكالاردى ساتىپ الۋ ٷشٸن وبلىس بيۋدجەتٸنەن 380 ملن تەڭگە قارجى بٶلٸنگەن. ستاتيستيكاعا سٷيەنسەك, بٷگٸندە وبلىستىق تٶتەنشە جاعدايلار دەپارتامەنتٸندە 139 ٶرت سٶندٸرۋ كٶلٸگٸ بولسا, سونىڭ 75-ٸنٸڭ توزىعى جەتكەن. وسى ولقىلىقتىڭ ورنىن تولتىرۋ ٷشٸن جىل سايىن وبلىستىق قازىنادان قارجى قاراستىرىلىپ, قاجەتتٸ تەحنيكالار ساتىپ الىنۋدا.
بۇل باعىتتاعى جۇمىستار الداعى ۋاقىتتا دا جالعاسىن تاپپاق. سونىمەن قاتار جيىندا وبلىستىق تٶتەنشە جاعدايلار قىزمەتٸنٸڭ قىسقى ماۋسىمعا دايىندىعى پىسىقتالدى.
نۇرعالي جٷنٸسوۆ, وبلىستىق تجد باسشىسى:
- بٸزدٸڭ ماتەريالدىق-تەحنيكالىق بازامىزدى نىعايتىپ, جۇمىستىڭ جاقسارۋىنا جاڭا مٷمكٸندٸكتەر اشۋدا. اتقارىلىپ جاتقان ٸزگٸ ٸس-شارالار تٶتەنشە جاعدايلار كوميتەتٸ تاراپىنان دا ٶز وڭ باعاسىن الىپ, باسقا وبلىستارعا ٷلگٸ رەتٸندە ۇسىنىلۋدا. وسىنىڭ بارلىعى تٷركٸستان وبلىسى حالقىنىڭ قاۋٸپسٸزدٸگٸن قامتاماسىز ەتۋگە باعىتتالعان جۇمىستار.
