Búgin «Azamattarǵa arnalǵan úkimettiń» Túrkistan oblystyq fılıalynda «Juldyzdyń HQO-daǵy bir kúni» respýblıkalyq aksıasy ótti. Áıgili ázilkesh,«Nysana» teatrynyńeks-akteri, «Erekshe shoý» tele-jobasynyń basshysy Dáneker Orazbaı, bokstan álem chempıony, halyqaralyq dárejedegi sport sheberi Dına Islambekova men onyń jeke jattyqtyrýshysy Almas Qýatbekov «Sıfrlyq Qazaqstan» baǵdarlamasy aıasynda elektrondyq qyzmetterdi nasıhattady.

Tanymal tulǵalardy kórgen qyzmet alýshylar alǵashynda tańyrqap, tosyrqap qalsa da, keıin ataqty jerlesterine qurmet kórsetip, olardyń keńesterin muqıat tyńdady. Qazaqstan sportynyń maqtanyshy, kókireginde altyn medali jarqyraǵan chempıon Dına óz jattyqtyrýshysymen birge halyqqa sypaıy jáne sabyrly kúıde keńes berip, elektrondyq úkimet portalynyń múmkindikterin túsindirdi. Al shoýmen Dáneker Orazbaı azamattarǵa  elektrondyq kezek talonyn taratsa, «Shanshar» ázil-syqaq teratrynyń aktery Ǵalymjan Qalybaı halyqty «Ózine-ózi qyzmet kórsetý sektoryna» baǵyttap otyrdy.

Ázilderimen áıgili bolǵan jigitter búgin ádetten tys resmı kostúmde, salmaqty túrde halyqqa memlekettik qyzmetterdi úıden shyqpaı-aq nemese kóshede kele jatyp-aquıaly telefondary arqyly alýǵa bolatynyn aıtty. Ras, keıde olar qaljyńdap, azamattardy kúlkige keneltip, kóńilderin kóterýdi de umytpady.

Mundaı aksıa «Azamattarǵa arnalǵan úkimet» memlekettik korporasıasynyń barlyq fılıaldarynda ótip jatyr.

– Mine, oblysymyzdyń juldyzdary bizdiń usynysymyzdy birden qabyldap, turǵyndarǵa qyzmet kórsetýge qýana kelisti. Sol úshin de olarǵa alǵysymdy bildirgim keledi. Olardy halyq qurmetteıdi jáne elektrondyq qyzmet alý týraly keńesterine qulaq asady degen úmittemin. Elimizdiń bolashaǵy jastar qolynda, sondyqtan biz aksıaǵa jas talanttarymyzdy shaqyrdyq, – deıdi Túrkistan oblystyq fılıaly dırektorynyń orynbasary Mádı Amanjol.

Halyqqa keńestik qyzmet kórsetken «juldyzdy mamandar» shamaly sharshasa da, HQO-da ótkizgen jumys kúnderine dán rıza. «Bul bólimdegi jumys ta bokstaǵydaı kúsh-qaıratty, temirdeı tózimdilik pen únemi damýdy talap etedi eken», – dep oı bólisti chempıon qyz Dına Islambekova.

«Azamattarǵa arnalǵan úkimet» memlekettik korporasıasynyń Túrkistan oblystyq fılıaly 2018 jylǵy 1 qazanda quryldy. Qazirgi tańda  fılıal quramyndaǵy 25 front-ofıs pen 34 bek-ofısterde eńbektenip jatqan myńnan astam maman halyqqa aptasyna altyn kún tańǵy saǵat 9.00-den keshki 20:00-ge deıin úzilissiz qyzmet kórsetedi.

 

Qarakóz TÓLEMBAEVA, Túrkistan oblysy boıynsha «Azamattarǵa arnalǵan úkimet» memlekettik korporasıasynyń qyzmetkeri