بۇگىن «ازاماتتارعا ارنالعان ۇكىمەتتىڭ» تۇركىستان وبلىستىق فيليالىندا «جۇلدىزدىڭ حقو-داعى ءبىر كۇنى» رەسپۋبليكالىق اكسياسى ءوتتى. ايگىلى ازىلكەش،«نىسانا» تەاترىنىڭەكس-اكتەرى، «ەرەكشە شوۋ» تەلە-جوباسىنىڭ باسشىسى دانەكەر ورازباي، بوكستان الەم چەمپيونى، حالىقارالىق دارەجەدەگى سپورت شەبەرى دينا يسلامبەكوۆا مەن ونىڭ جەكە جاتتىقتىرۋشىسى الماس قۋاتبەكوۆ «سيفرلىق قازاقستان» باعدارلاماسى اياسىندا ەلەكتروندىق قىزمەتتەردى ناسيحاتتادى.

تانىمال تۇلعالاردى كورگەن قىزمەت الۋشىلار العاشىندا تاڭىرقاپ، توسىرقاپ قالسا دا، كەيىن اتاقتى جەرلەستەرىنە قۇرمەت كورسەتىپ، ولاردىڭ كەڭەستەرىن مۇقيات تىڭدادى. قازاقستان سپورتىنىڭ ماقتانىشى، كوكىرەگىندە التىن مەدالى جارقىراعان چەمپيون دينا ءوز جاتتىقتىرۋشىسىمەن بىرگە حالىققا سىپايى جانە سابىرلى كۇيدە كەڭەس بەرىپ، ەلەكتروندىق ۇكىمەت پورتالىنىڭ مۇمكىندىكتەرىن ءتۇسىندىردى. ال شوۋمەن دانەكەر ورازباي ازاماتتارعا  ەلەكتروندىق كەزەك تالونىن تاراتسا، «شانشار» ءازىل-سىقاق تەراترىنىڭ اكتەرى عالىمجان قالىباي حالىقتى «وزىنە-وزى قىزمەت كورسەتۋ سەكتورىنا» باعىتتاپ وتىردى.

ازىلدەرىمەن ايگىلى بولعان جىگىتتەر بۇگىن ادەتتەن تىس رەسمي كوستيۋمدە، سالماقتى تۇردە حالىققا مەملەكەتتىك قىزمەتتەردى ۇيدەن شىقپاي-اق نەمەسە كوشەدە كەلە جاتىپ-اقۇيالى تەلەفوندارى ارقىلى الۋعا بولاتىنىن ايتتى. راس، كەيدە ولار قالجىڭداپ، ازاماتتاردى كۇلكىگە كەنەلتىپ، كوڭىلدەرىن كوتەرۋدى دە ۇمىتپادى.

مۇنداي اكسيا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ بارلىق فيليالدارىندا ءوتىپ جاتىر.

– مىنە، وبلىسىمىزدىڭ جۇلدىزدارى ءبىزدىڭ ۇسىنىسىمىزدى بىردەن قابىلداپ، تۇرعىندارعا قىزمەت كورسەتۋگە قۋانا كەلىستى. سول ءۇشىن دە ولارعا العىسىمدى بىلدىرگىم كەلەدى. ولاردى حالىق قۇرمەتتەيدى جانە ەلەكتروندىق قىزمەت الۋ تۋرالى كەڭەستەرىنە قۇلاق اسادى دەگەن ۇمىتتەمىن. ەلىمىزدىڭ بولاشاعى جاستار قولىندا، سوندىقتان ءبىز اكسياعا جاس تالانتتارىمىزدى شاقىردىق، – دەيدى تۇركىستان وبلىستىق فيليالى ديرەكتورىنىڭ ورىنباسارى ءمادي امانجول.

حالىققا كەڭەستىك قىزمەت كورسەتكەن «جۇلدىزدى ماماندار» شامالى شارشاسا دا، حقو-دا وتكىزگەن جۇمىس كۇندەرىنە ءدان ريزا. «بۇل بولىمدەگى جۇمىس تا بوكستاعىداي كۇش-قايراتتى، تەمىردەي توزىمدىلىك پەن ۇنەمى دامۋدى تالاپ ەتەدى ەكەن»، – دەپ وي ءبولىستى چەمپيون قىز دينا يسلامبەكوۆا.

«ازاماتتارعا ارنالعان ۇكىمەت» مەملەكەتتىك كورپوراسياسىنىڭ تۇركىستان وبلىستىق فيليالى 2018 جىلعى 1 قازاندا قۇرىلدى. قازىرگى تاڭدا  فيليال قۇرامىنداعى 25 فرونت-وفيس پەن 34 بەك-وفيستەردە ەڭبەكتەنىپ جاتقان مىڭنان استام مامان حالىققا اپتاسىنا التىن كۇن تاڭعى ساعات 9.00-دەن كەشكى 20:00-گە دەيىن ءۇزىلىسسىز قىزمەت كورسەتەدى.

 

قاراكوز تولەمبايەۆا، تۇركىستان وبلىسى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ قىزمەتكەرى