Túrkistan oblysy boiynsha 109 Biryńǵai bailanys ortalyǵyna jyl basynan beri 100 837 ótinish, usynys kelip túsken. Ortalyqqa ótinimderdiń 97%-y qońyraý shalý arqyly jáne 3%-y áleýmettik jeliler (Whatsaap, Instagram, Telegram, Facebook) arqyly jodanǵan. Bul týraly búgin oblys ákimi Darhan Satybaldynyń tóraǵalyǵymen ótken apparat májilisinde keńinen talqylandy. Óńir basshysy halyqpen bailanysty nyǵaitý, ótinishterge der kezinde jaýap berýdi tapsyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Bailanys ortalyǵyna túsken árbir ótinish muqiiat qadaǵalanyp, baqylaýǵa alynýy tiis. Bul isti sapaly atqara almai otyrǵan aýdan, qala ákimdikteri jumysty shiratsyn. Ózekti, kezek kúttirmeitin máselelerdi sozbalańǵa salýǵa bolmaidy. Bailanys ortalyǵynyń jumysyn jetildirip, júielei túsken jón, – dedi Darhan Satybaldy.
Jiyn barysynda Oblystyq tsifrlandyrý, memlekettik qyzmetter kórsetý jáne arhivter basqarmasy basshysy Marat Ainabekov baiandama jasady. Onyń aitýynsha, óńir turǵyndary kúndelikti kommýnaldyq-turmystyq, bilim, ákimdik qyzmetter boiynsha ótinish túsiredi. Basqarma basshysy shaǵymdarǵa tiisti mekemelermen berilgen jaýapty sms-habarlama retinde turǵyndarǵa joldaýdy uiymdastyrý, aýdan, qala ákimdikterimen túsken ótinimderdiń ýaqytyly jáne sapaly oryndalýyn qamtamasyz etý jáne turǵyndar arasynda 109 biryńǵai bailanys jelisin keńinen nasihattaý sharalaryn júrgizý syndy birqatar usynystaryn jetkizdi.
Taldaý nátijesinde 9 aidyń qorytyndysy boiynsha ótinishter 13 paiyzǵa tómendep otyr. Negizinen Túrkistan jáne Kentaý qalalary men Tólebi aýdanynan qońyraýlar kóp túsedi. Al ótinimderdiń eń azy Saryaǵash, Sozaq, Otyrar, Maqtaaral aýdandaryna tiesili. Sonymen qatar «Taza Qazaqstan» baǵdarlamasy boiynsha da 20 maýsymnan beri 500-ge jýyq ótinim kelip túsken.
Aita keteiik, 109 Biryńǵai bailanys ortalyǵy Túrkistan oblysy turǵyndarynyń ótinishterin qabyldap, jaýapty basqarmalarǵa nemese aýdan, qala ákimdikterine, sonymen qatar jaýapty bólimder men merdigerlerge joldap, ótinishterdiń tolyq, sapaly jáne ýaqtyly oryndalýyn qamtamasyz etedi.
