"Taza Qazaqstan" aktsiiasynyń "Jasyl ólke" aptalyǵynda túrkistandyq ardagerler “Parasat” saiabaǵynda jinalyp, aǵash otyrǵyzdy. Endi munda bozarshalar tizilgen alleia bar, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sharaǵa qalalyq "Ardagerler alqasynyń" músheleri men jastar qatysty. Aktsiiany qoldaýǵa kelgen azamattar birigip, 100 dana arsha kóshetin egip, túrkistandyqtardy aktsiiaǵa belsene qatysýǵa shaqyrdy.
Jalpy, arsha aǵashy týraly ne bilemiz? Mamandardyń málimdeýinshe, arsha bóletin fitonotsidter aýany tazalaidy. Jylyna orta eseppen 1 tonnadan asa shańdy jutyp, ainalasyna 1,5 myń litr ottegi bólip shyǵarady eken.
Arsha ormanynyń 1 gektary jylyna 18 million m3 aýany kómirtegi gazynan tazartyp, 50-65 tonnaǵa deiin shań-tozańdy ziiandy gazdardan aryltyp, súzip otyrady.
