Túrkistandaǵy etnos ókilderiniń 70 paiyzy qazaq tilin erkin meńgergen
Sol etnos ókilderiniń basym bóligine óz ana tilinde bilim alýyna mádenieti men salt-dástúrin ustanýǵa tolyq jaǵdai jasalǵan.
«Túrkistan oblysy – ulttar men ulystardyń eń kóp shoǵyrlanýymen, eń bastysy olardyń tili, mádenieti, salt-dástúriniń saqtalýymen erekshelenedi. Búginde memlekettik tildi erkin meńgergen etnos ókilderiniń eresek turǵyndarynyń úlesi 70 paiyzdy quraidy. Al óńirde júrgizilgen taldaý jumystarynyń nátijesinde memlekettik tildi erkin meńgergen turǵyndardyń úlesi – 92,1% bolsa, 63 % orys tilin, al, aǵylshyn tilin biletinder – 14 %-ǵa jetip otyr»,-delingen basqarma málimetinde.
Sondai-aq, búgingi tańda Túrkistan oblysynda 20 etnomádeni birlestikterdiń janynda on bir jeksenbilik mektep jumys jasap jatyr. Iaǵni, ol mektepterdegi on bes topta 1065 etnos ókili óz ana tilderin oqyp-úirenýde eken.
Aita ketelik jalpy oblystaǵy barlyq aýdan, qalalarda memlekettik tildi jáne orys, aǵylshyn tilderin tegin oqytatyn 14 ortalyq jumys isteidi. Olarda osy jyldyń jeti aiynda 7209 azamat bilim alǵan eken.
