سول ەتنوس وكىلدەرىنىڭ باسىم بولىگىنە ءوز انا تىلىندە ءبىلىم الۋىنا مادەنيەتى مەن ءسالت-داستۇرىن ۇستانۋعا تولىق جاعداي جاسالعان.
«تۇركىستان وبلىسى – ۇلتتار مەن ۇلىستاردىڭ ەڭ كوپ شوعىرلانۋىمەن، ەڭ باستىسى ولاردىڭ ءتىلى، مادەنيەتى، ءسالت-داستۇرىنىڭ ساقتالۋىمەن ەرەكشەلەنەدى. بۇگىندە مەملەكەتتىك ءتىلدى ەركىن مەڭگەرگەن ەتنوس وكىلدەرىنىڭ ەرەسەك تۇرعىندارىنىڭ ۇلەسى 70 پايىزدى قۇرايدى. ال وڭىردە جۇرگىزىلگەن تالداۋ جۇمىستارىنىڭ ناتيجەسىندە مەملەكەتتىك ءتىلدى ەركىن مەڭگەرگەن تۇرعىنداردىڭ ۇلەسى – 92،1% بولسا، 63 % ورىس ءتىلىن، ال، اعىلشىن ءتىلىن بىلەتىندەر – 14 %-عا جەتىپ وتىر»،-دەلىنگەن باسقارما مالىمەتىندە.
سونداي-اق، بۇگىنگى تاڭدا تۇركىستان وبلىسىندا 20 ەتنومادەني بىرلەستىكتەردىڭ جانىندا ون ءبىر جەكسەنبىلىك مەكتەپ جۇمىس جاساپ جاتىر. ياعني، ول مەكتەپتەردەگى ون بەس توپتا 1065 ەتنوس وكىلى ءوز انا تىلدەرىن وقىپ-ۇيرەنۋدە ەكەن.
ايتا كەتەلىك جالپى وبلىستاعى بارلىق اۋدان، قالالاردا مەملەكەتتىك ءتىلدى جانە ورىس، اعىلشىن تىلدەرىن تەگىن وقىتاتىن 14 ورتالىق جۇمىس ىستەيدى. ولاردا وسى جىلدىڭ جەتى ايىندا 7209 ازامات ءبىلىم العان ەكەن.
